Parish Formators Team Nakighimamat sa Sona 3

Malampuson ug makahuloganon nga nahuman ang Zone 3 Visitation nga gihimo sa Parish Formators Team sa San Roque Parish Malabog diin ilang gilakbitan ang mga mga mosunod nga tulo ka mga importanteng hisgutanan: 1. Revisiting the Yellow Book, 2. Synodality, 3. Stewardship nga nagtabang sa pagpalambo sa atong mga kinabuhi isip Katoliko nga naningkamot sa pagsubay sa matarong nga dalan.

Sa pagpanguna ni Rev. Fr. Arnold Balaquinto, Kura Paroko, iyang gipadala ang Parish Formators Team ug gipaila sa mga parokyano atubangan sa Ginoo. Sa susamang higayaon iya usab nga gipahinumduman ang mga parokyano nga ang pagpangalagad nagkinahanglan og gugma, kay kung walay gugma dali raman kita makabati og kakapoy.

Sa laing bahin mapasalamaton ang mga taga Sona 3 sa mga bisita uban ni Rev. Fr. Arnold Balaquinto kinsa migahin og oras sa pagpaambit sa mga pagtulon-an nga magsilbi nila nga giya sa paglakat babaw niining kalibutan nga puno sa grasya ug gugma gikan sa Amahan.

Ang Parish Formators Team uban ni Rev. Fr. Arnold Balaquinto magpadayon sa pagbisita sa mga Sona aron mopaambit sa susamang pagtulon-an, bitbit ang tiunay nga gugma nga ilang nabati diha sa ilang pagpanerbisyo subay sa kabubut-on sa Ginoo.

Sa Kanunay Dalaygon ang Dios!

(Jozeil Crodua)