It’s Okay not to be Okay

Niadtong Septembre 17, 2023 adlawng Sabado, malampusong gipahigayon sa Beaterio de Mindanao ang katapusang roll out seminar mahitungod sa MENTAL HEALTH nga gipasiugda sa Family and Life Apostolate (FLA) sa Archdiocese sa Davao.

Kini gitambungan sa 60 ka mga partisipante sa FLA ug mga batan-on nga gikan sa nagkalain-laing bikaryato sa syudad sama sa Sto. Rosario, Sacred Heart, St. James, San Pedro, ug San Pablo.

Gisugdan ang maong seminar sa paghatag ug pagpasabot ni Mrs. Annie Libres diin ang matag usa ka partisipante naghatag sa ilang mga pagdahom sa maong seminar.

Adunay tulo ka bahin ang seminar nga gisugdan sa Mental Health Awareness and Suicide Prevention Orientation ni Dr. Jerson John Trocio. Gisundan kini sa Basic Counseling Skills nga gihatag ni Ms. Jovy Gatan nga usa ka Guidance Counselor ug ang katapusan ang Pyscho-Spiritual Accompaniment nga gihatag ni Sr. Ma. Leah Zozobrado, RVM.

Nakahatag og dako nga pagtulun-an ang maong seminar nga mamahimong hinagiban sa mga membro lumilihok sa FLA ug mga YOUTH sa pagtabang sa mga kaigsoonan nato nga adunay giagian nga mga pagsulay ug apektado ang paghunahuna.

Salamat sa atong maabtikon nga FLA Director nga si Fr. Orlando Angelia sa maong talagsaong higayon ug sa tanang nagpaluyo sa programang Dangupanan. (Zita Penafiel-Cayapos)