Gasa sa pagtoo

(Homily of Most Rev. Romulo G. Valles, D.D., Archbishop of Davao during the 20th Parochial Fiesta of San Alfonso Ma. De Ligouri Parish, Mandug, August 1, 2023.)

Ang gasa sa pagtoo, the gift of faith, ngano man gayod nga gigasahan kita sa maong disposisyon sa atong kasingkasing ug hunahuna nga kabahin sa atong kinabuhi ang Ginoo?

Pwede man dili mo musimba ba, apan kaanindot tan-awon nga mugahin kamo og panahon pagpadayag sa inyong pagtoo. Alang kaninyo ang pagtoo, ang pagka-ana sa Dios sa atong kinabuhi importante gayud. You do not need me, maybe yes, pero bisag wala mi, kabalo kamo nga ang pagtoo sa Dios, usa ka gasa nga naa sa inyong kasingkasing ug inyo gyud kanang ampingan.

“Nagatoo ako sa kahiusahan sa mga santos,” sa ato pa kining atong pyesta karon, ayg kalimot, kining atong nindot nga pyesta, kini baya, dili lang debosyon-debosyon, apan kabahin kini sa atong gitawag nga Kristohanong pagtoo, ang atong kahiusahan sa mga santos. Gani sa usa sa mga pagampo sa simbahan, “O Dios, gitudloan mo kami, pinaagi sa ilang pagwali, gilig-on mo kami pinaagi sa ilang panig-ingnan ug imo kaming gipanalipdan tungod sa pangaliya ni San Alfonso Maria de Ligouri.”

Kini lagi atong pagpyesta kabahin kini sa pagpadayag, pagtoo sa atong Ginoo ug sa iyang mga santos. Kining very Catholic tradition, very rich, angayan gayud nga ang tawo nga sama kanato, sa iyang words, sa iyang lihok, iyang buhat, iyang kinabuhi, ang iyang pangaliya [San Alfonso] magdala kanato sa Ginoo; kana ang pagtoo sa atong simbahan.

Karong adlawa, gipahinumdoman kita nga kita mga anak sa Dios ug kinahanglan agakon kita, pahinumdoman kita, pinaagi sa mga santos, sa ilang pagwali, sa ilang panig-ingnan, sa ilang pangaliya nga mahiduol kita sa Dios.

Unsa kaha ang giwali ni San Alfonso? Kinsa nga Dios ang iyang gisangyaw nga saleable kayo? Ang tubag, “Ang Ginoo maayo ug maloloy-on.” That’s a very important description o truth, kinsa ang Dios, kinsa ang Ginoo nga maoy gisangyaw ni San Alfonso Maria de Ligouri. Once again this year, we are reminded, kinahanglan atong pagtoo lig-onon, warm, strong diha sa Ginoo kay matod sa Bibliya, pagbasa ang Ginoo, maayo ug maloloy-on.