Ang Pagsangyaw sa Diosnong Kalooy

Malampusong gipahigayon ngadto sa 33 ka GKK sa Our Lady of the Miraculous Medal Parish ang Evangelization ug installation sa Debosyon sa Diosnong Kalooy o Divine Mercy nga gipangunahan ni Ronita Aragon, OLMMP-Divine Mercy Apostolate Coordinator kauban sila Vilma Albofera ug Neneth Animbang alang sa pagpasabot ug pagsangyaw sa Diosnong Kalooy sa matag GKK. Gisugdan ang maong kalihukan niadtong January 10, 2023 ug nahuman kini July 23, 2023.

Malipayon ug mapasalamaton ang Divine Mercy Team sa kalampusan sa maong kalihukan mahitungod sa Diyosnong Kalooy sa tanang mga GKK Servant Leaders (GSL) tungod sa ilang pagtimbaya ug pagdawat sa maong debosyon. Dako usab ang ilang pasalamat sa walay puas nga suporta ug inspirasyon ni Rev. Fr. Jesus H. Samaniego, ang kura paroko sa OLMMP.

Bisan pa man unsa ka dakong hagit ang pagsangyaw sa Debosyon sa Diosnong Kalooy ngadto sa 33 ka GKK apan nahimo kining posible tungod sa dakong pagtoo nga ang dakong kalooy sa Labaw’ng Makagagahum maoy mopatigbabaw sa matag usa. Gusto sa Dios nga mailhan nato ang Iyang kalooy – nga labaw pa sa atong mga sala ug tugotan kini nga modagayday pinaagi kanato ngadto sa uban aron ang tanan makaambit sa Iyang kalipay. (Alynna Maree Ronolo & Fritzie Galyn Sanchez | OLMMP SoCCom)