Ang Pagbag-o sa mga Cebuano Lectors

Ang magsasangyaw sa pulong sa Ginoo usa ka balaan nga buhat sa atong simbahan nga kinahanglan inubanan sa maayong kasingkasing. Kanila nato madungog ang mga binasa, salmo responsoryo, katilingbanong pag-ampo ug ang pagkomentaryo sa misa.

Ang Parokya sa Inahan sa Kanunayng Panabang nagpahigayon ug recollection sa mga Cebuano Lectors niadtong Hulyo 22, Sabado sa PPC building sa parokya. Ang facilitator mao si Bro. Dario Tupas, usa ka seminarian. 98 ka mga partisipante ang misalmot sa maong recollection. Sulod sa kalihokan, gisaysay sa tigpasayon ang mga epektibo nga magsasangyaw, aduna sab silay group sharing ug mga giya nga pangutana.

Gisunod dayon ang renewal sa mga lectors adlaw’ng Dominggo sa ala sais nga misa sa buntag ug kini gipangulohan ni Rev. Fr. Sanito Umbac.

Gipangandaman sab ang umaabot nga pormasyon para sa mga bag-ong recruit nga mga lectors karong Agosto. (Mary Grace Gonzales | OMPH Parish SoCCom)