Ang Libro nga Giya sa mga GKK

Nahayagan ang tanang PSK, ug Parish Coordinators sa gipahigayon nga “REVISITATION & INTENSIFICATION of the Implementation of the BEC Guidelines and Norms in the Archdiocese of Davao sa Parokya sa Inahan sa Kanunayng Panabang kaniadtong Hulyo 21, 2023, Biyernes sa SATMI Gym Redemptorist Church.

Tumong sa maong kalihokan mao ang pagtuki ug pagpakaylap sa maong libro sa arsidayosis. Ang mga bisita nga nagpalalom o nagpasayon ug nangumusta kung asa na dapita sa Yellow Book ang naimplementar sa 32 ka mga Gkk’s mao si Rev. Fr. Pete Lamata ug Mrs. Victoria Estoque nga mao ang atong BEC Coordinator ug ilang kauban nga si Ms. Lilibeth Ramirez.

Gihisgotan ni Ms. Vicky nga kinahanglan tumanon nato ang maong mga balaod pinaagi sa pagsunod sa gimando sa “Guidelines ug Norms sa Gagmay’ng Kristohanong Katilingban, ug tood, daku jud ang mga kalainan sa mga naandan nga mga buhat sa tagsa-tagsa ka mga GKK.

Mapasalamaton si Rev. Fr. Gary Alvarado CSsR, kura paroko tungod bag-o pa sad kaniya kining yellow book ug dako kaayo nga kahayagan ug panabot ang iyang gibati sa maong pagpalalom.

Ang tanang partisipante nagpaabot sa maayong resulta sa pagpatuman sa bag-ong giya sa yellow book. (Mary Grace Gonzales | OMPH Parish Soccom)