Pagpalig-on sa Relasyon sa Matag-usa ug sa Pagtoo sa Ginoo

“Love makes unity, Sports makes peace”

Isip pagsaulog sa ika-61 nga kapistahan ni Sr. Santiago Apostol sa Bunawan nga adunay tema, “Kumonyon, Partisipasyon og Misyon Duyog ni Sr. Santiago Apostol”, nagkadaiyang aktibidades ang gipasiugda sa mga kabatan-onan. Unang aktibidad nga gisugdan adtong Hulyo 13, 2023 ang Sports Fest nga ang unang tumong mao ang pagpalambo sa relasyon sa mga kabatan-onan ug pagahugtan ang kinasing-kasing nga pagserbisyo sa Ginoo ug sa matag-usa. Lain-laing mga dula ang gipasiugda, adunay basketball, volleyball, ug mga boardgames. Ang maong aktibidad gipangulohan sa Parish Youth Apostolate Core Group ug inisyatibo sa Parish Youth Coordinator nga si Mark Obed Quintano ug Sports Head Jolerei Daruca, inubanan sa pag aproba sa kura paroko nga si Rev. Fr. Rolando O. Mandreza.

Ang nahishugang kalihukan gisalmotan sa mga kabatan-onan gikan sa nagkalain-laing Sona nga sakop ni Sr. Santiago Apostol. 9 ka Sona ang mi partisipar sa maong kalihukan; Zone 1, Zone 2, Zone 3, Zone 4, Zone 5, Zone 6a, Zone 6b, ug Zone 7 ug miapil usab ang mga nagkalain-laing organisasyon. Ang Championship Game gipahitabo niadtong Hulyo 25, 2023 adlaw sa kapistahan ni Sr. Santiago Apostol.

Kini mao ang ika-duhang Sports Fest nga gipasiugda human ang Covid 19 Pandemic. Bisan pa man sa mga kalisdanan nga naagian, ang tanan mapasalamaton sa paghatag og higayon nga mahimo kining. Malampuson bisan sa ka init ug ulan nga nasinati, nagpadayon sa pag partisipar tanang kabatan-onan isip suporta sa maong kalihukan.

Kining tanan dili mahimong posible kung wala usab ang suporta sa tanang parokyano sa Bunawan inubanan sa panabang sa atong makagagahom nga Ginoong Jesukristo. Nagalaom ang tanang mi partisipar sa maong kalihukan nga sa mga umaabot nga panahon magpadayon gihapong aktibo ang tanang kabatan-onan, dili lang sa sports fest kondili sa pagpangalagad usab sa Ginoo ug pagpalig-on sa ilahang pagtoo. (Vanessa E. Calibod, GKK SoCCom | Photo by Naica Mae Camarin)