Ang Saad sa Gugmang Walay Kataposan

Niadtong Hunyo 24-25, 2023, ang ministriya sa FLA/PSKB sa parokya sa Our Lady of Miraculous Medal sa Indangan nagpahigayon og duha ka adlaw nga Marriage Enrichment Seminar nga gisalmutan sa walo ka magtiayon gikan sa nagkalain-laing GKK ug gisundan kini sa pagsaulog sa Renewal of Vows nga gipanguluhan ni Rev. Fr. Jesus Samaniego, ang kura paroko. Ang tumong sa kalihukan mao ang paglig-on sa bokasyon isip usa ka bana ug asawa pinaagi sa pagsaad pag-usab sa ilang kabilinggan sa pamilya ug sa matag-usa. Dako ang pasalamat sa OLMMP – PSKB sa tabang ug giya sa PSKB- St. Mary’s Parish tungod kay anaa ang ilang presensya gikan sa seminar hangtud sa selebrasyon. Nibisita usab si Rev. Fr. Orly Angelia, FLA Director, alang sa paghatag ug inspirasyonal nga mensahe.

Diha sa homiliya ni Fr. Samaniego, giawhag niya ang ministriya nga ipadayon ang maong programa aron daghan usab nga magtiayon ang makasulay sa katahom sa pagbag-o sa panaad sa gugmang walay katapusan. Dalaygon ang Dios! (Lida Encluna Zulueta – OLMMP FLA / PSKB SocCom)