San Isidro, Modelo sa Kayano

Nagmalampuson ang pagsaulog sa ika-55 nga kapistahan sa GKK Sr. San Isidro Labrador sa Panulawan, niadtong Mayo 15, 2023 sa adlaw’ng Lunes.

Ang maong selebrasyon mao ang pinakahapsay nga pagsaulog kaysa sa miaging kapistahan matod ni Rev. Father Arnold Balaquinto. Kini gipahigayon sa ala singko sa buntag diin ang katawhan mahinamon sa pagpangandam sa maong kasaulogan, presko, bugnaw og hapsay ang palibot. Kauban usab si Rev. Junel Bustamante nga mao ang mipaambit sa homiliya; diha sa Santos nga Misa iyang gipahinumdoman ang katawhan nga dili unta mamahimong babag kung unsa man ang estado sa kinabuhi, pobre man o adunahan, adunay nahuman nga kurso o wala, hinaot magmalig-on ang pagtoo ug sa pagsalig sa Ginoo. Unta atong mabatunan ang hiyas ni San Isidro nga usa ka yanong tawo, maampoon ug manggihatagon, maalagaron og dunay hugot nga pagtoo ug pagsalig sa Ginoo.

Gipasalamatan ni Rev. Father Arnold Balaquinto ang mga Pangulo, ug ang 16 ka lider sa Pundok banay nga gilangkuban sa 130 ka mga miyembro. Tapos sa Santos nga Misa gisunod dayon ang pagbendita ni Rev. Junel Bustamantate sa mga panimalay. Mihatag usab ug panahon ang mga katawhan sa maong lugar, sa pagpakiglambigit sa mga Pangulo ug kang Rev. Father Arnold ug Rev. Junel sa gipahigayon nga basketball game sa pinaka unang higayon. Puno sa kalipay ug kasadya ang katawhan sa pagsaksi niini.

Mapasalamaton si Maria Victoria E. Alferez, Pangulo sa Katilingban (PSK) sa presensya sa matag usa, sa pagduyog sa tanan sa ika 55 nga kapistahan sa Sr. San Isidro Labrador Panulawan.

Viva Sr. San Isidro Labrador! Sa kanunay Dalaygon ang Dios.

(Melba O. Atuel, GKK Panulawan SoCCom)