Diha sa Kinabuhi sa Deboto

Sa tanang adlaw’ng nanglabay kami mapasalamaton sa Ginoo, sa grasyang makasantos alang kanamong tanan. Sa kasakit ug kalipay nagmalahutayong naglawig diha sa pagserbisyo sa among kaigsoonan.

Mayo 24,2023, Miyerkules gisaulog ang ika-27 nga Kapistahan sa GKK San Isidro Labrador, Ciudad de Esperanza. Ang Santos nga Misa pinangulohan sa kura paroko sa St. Mary of the Perpetual Rosary Parish, Padre Dionisio Tabiliran, inubanan ni Padre William Cajes. Ang mga mensahe ni Padre Diony naghatag sa kadasig, kalig-on diha sa pagsusi sa pagkapiniyalan ug mahisama sa mga hiyas nga gipadayag sa among mabinantayong Patron. Ang pagpalawon sa tema: “Paglawig kauban si San Isidro Labrador inubanan sa kalig-on ug Pagsalig sa dakong gugma sa Dios.”

Kinasingkasing nga pasalamat sa malampusong pista tungod sa mga paghago sa tanang mga kaigsuonaan sa katilingban ug sa among kura paroko Padre Diony. Sa tanan nga nagpakabana sa paglambo sa GKK pinaagi sa pagpaambit sa mga talentong gihuptan.

Dalaygon ang Dios nga nagahari sa kahangturan!

(Maria Dexie Calvo, GKK SoCCom)