Sign Na Ba Kini?

Dear Ate Emz,

God is good all the time gayud ang akong maingon.

Lately man gud medyo shaky ang akong estado sa pagpanarbaho. Dunay mga issue sa mga ka trabaho. Siguro wala na-uyonan sa akong mga colleagues ang akong mga ways or approach kay murag gina initan o dunay ka-sina nako apan with all my heart and honesty wala akoy lain nga tumong ug tinguha kundili manarbaho religiously. Kung duna man akoy sipyat o di ba kaha kalapasan akong angkunon apan mga unintentional lamang kini ug dili tinuyuan.

Dili na ako productive kay ma feel nako nga dili na maayo ang working environment para kanako. Wala man unta akoy laing tuyo kundili manarbaho apan kung makadaut psychologically dili ako magduha-duha sa pagbiya niini which is mao ang akong plano. Lisud na baya ang pagpangita ug ma trabaho-an kay aside sa kasagaran nag bawas ug mga empleyado medyo borderline na sab ang akong pangidaron.

Unsa man ang maayo magpabilin ako o mangita ug laing kapangitaan? Akong giampo nga unta malamdagan ang akong panghuna-huna aron maka desisyon sa tarong.

Wala damha nga kining akong suod nga paryente dunay negosyo nga ilang ipa atiman kanako. Mu bakasyon sa abroad silang tibook pamilya ug walay mabinlan, mao nga nanginahanglan sila sa akong serbisyo ug kapasidad nga ilang kasaligan. Nahimuot ako pagayo kay pas-pas ang tubag. Wala ko pa una kini dawata ug akoa una nga pamalandungan.

Still Confused,
Lloyd

* * * * * *

Dear Lloyd,

I agree with you, indeed, God is good ALL THE TIME! Praise and thank Him for the gift of your job!

Ang pagpanarbaho dili nato kanunay ma consider na earning a living lang. Usa sab kini siya ka higayon nga ato ma share ang atong kahibalo, ma unfold ang atong potentials, ug ma consider nga usa ka misyon. Mao nga saludo ko sa imohang attitude niini nga ang imong tumong mao nga manarbaho og tinud-anay or work religiously. Buot pasabot nga seryoso ka sa imong buhat ug pag serbisyo sa kumpanya. Apan sa tinuod lang, you cannot please everybody. Lahi lahing personalidad ang naa sa atong working environment ug kini maka apekto sab sa atong mental health. Kung ang imohang palibot dili na makahatag og kalinaw kanimo ug sa imong mga kauban, tingali panahon na aron mapamalandungan nimo ang hinungdan niini.

Subo kaayo nga niabot ka sa punto nga dili ka na productive. Kung ingon ani ang kahimtang, kasagaran atong masinati nga wala nay kahulogan ang panarbaho ug mao kini ang hinungdan nga bug-at ang kaugalingon, busa, mahimong mekanikal ug walay tumong ang binuhatan.

Ang pagresign o pagpabilin sa kumpanya usa ka major decision sa kinabuhi. Mao nga kinahanglan pamalandungan ug maayo ang mga pros and cons niini. I agree with you nga kinahanglan gyud og pag-ampo aron malamdagan ka sa imong desisyon.

Atong hinumduman nga ang Ginoo nagalihok gyud sa atong kinabuhi, sometimes we are not even aware of it. Indeed God is a God of surprises mao nga usahay ma sorpresa lang kita sa Iyang lihok. Sama sa imong nasinati…nga wala damha naa Siya pahiwatig pinaagi sa imong paryente nga buot ibilin kanimo ang ilahang negosyo. Mao na ba kaha kini ang tubag sa imong mga pag-ampo?

Kinahanglan maminaw ka sa mensahe sa tanang mga panghitabo bahin niini. More prayers for enlightenment. Stay connected with God in prayer…invoke the enlightenment of the Holy Spirit. I am sure God will reveal His plans for you. Just trust Him…ang tanan pagbuot Niya alang sa imong kaayuhan. If this is according to His plans, everything will fall into place, you will find inner peace with your decision.

Sa imong pagpamalandong, daghan sab ka i-consider. Naa ka ba’y kapasidad sa pag manage ug pagpadagan sa negosyo? Unsa’y inyong mga terms of agreement? Kinahanglan masinsinan nga inyong istoryahan kini aron maklaro sab nimo ang imong strengths and weaknesses bahin niini.

Remember, everything is grace. Walk with God and He will surely lead you to the right path. May Mama Mary, Our Lady of the Way guide you in your decision.

God bless you more,
Ate Emz