Paambit sa Gasa sa Kalipay

Masadyaong gisaulog sa mga parokyano sa San Isidro Labrador Parish Lumondao uban sa ilang Kura Paruko nga si Rev. Fr. Dexter Veloso, ang ilang ika 30 nga kapistahan niadtong Mayo 12, 2023. Ang maong kapistahan gipasiugda pinaagi sa pagsaulog sa Santos nga Misa sa alas 9 ang takna sa buntag nga gipangulohan ni Most. Rev. Romulo G. Vallles, D.D., Arsobispo sa Dabaw duyog ang uban pang mga kaparian.

Kabahin sa maong selebrasyon ang pagpahigayon sa “community lunch” nga gipahimutang sa tagsa-tagsang purok sa matag sona. Kining panagsalo nahimo nang tradisyon sa mga parokyano sa San Isidro Labrador Parish Lomundao.

Usa sa mga giatangan sa mga parokyano mao ang One Jam Band nga mipasundayag sa ilang mga maanindot nga talento pinaagi sa pagkanta ug pagtugtog. Abli usab ang maong grupo sa pagdawat sa mga gusto mupaambit sa ilang talento sa musika o maki “jam”.

Dakong kalipay sa mga parokyano ang gipahigayon nga Exhibition Game nga gidula sa Davao Clergy kontra SILP Selection diin nagpasikat ang nagkadaiyang manunula sa ilang abilidad sa pagdula og basketball ug pagtinabangay isip usa ka grupo. Gi deklarang daog ang Davao Clergy sa iskor na 121- 117.

Labaw sa tanan, ang maong kapistahan nagpahinumdom sa kaayo ug kamanggihatagon ni Sr. San Isidro Labrador. Kini usab usa ka hagit sa mga parokya nga mapadayunong mupaambit sa mga grasya nga ilang nadawat. Dakong pasalamat ang gipaambit sa ilang Kura Paruko alang sa malampuson ug hapsay nga kapistahan. VIVA, SR SAN ISIDRO! (Jasmine Villasan)