Maayong Ehemplo

Dear Ate Emz,

Akoa lang ipaambit ang kining akong kaila. Medyo may edad na siya around 60’s. Nakita nako sa iya ang usa ka ehemplo nga pagka manggihatagon. Wala gayud siya‘y sipyat sa matag bulan niyang pagpaambit sa iyang mga gasa. Iyaha nang naandan nga sa matag bulan muhatag gayud siya ug donasyon, pinansiyal man o in kind. Makadasig ang iyang mga ginabuhat. Nakahuna-huna ako ug wala ba siya nanginahanglan kay mu gahin gyud siya para sa simbahan.

Sa akong kahibulong akoa gud siyang gipangutana ug basin mas gikinahanglan niya, imbis nga idonar, pangkonsumo na lang sa iyang Pamilya. Apan siya nga puno sa positibong panglantaw miingon nga iyaha lang usab tagaan ug bahin ang GINOO sa mga grasyang iyang naangkon. Wala na kuno siya nanginahanglan ug daghan apan sakto ra nga maka sustinir sa pang adlaw-adlaw. Mas malipay kuno siya nga makahatag nungka mangayo. Mao nga bisan sa kalisod sa panahon karon, anaa gihapon, maayo ang panglawas, walay kabalaka.

Talagsaon nga klase sa indibidwal. Nakapamalandong ako nga kung sa akong kabahin unta sama ako niana nga klaseng tawo nga dunay kalumo, kind hearted, generous, manggihatagun. Ako mismo na guilty kay sa paghatag ug mga ginagmay anaa pa ang pagduha-duha.

Nagtuo ako nga moabot ang saktong panahon nga akoa kining matun-an nga mga hiyas sa pagka maayo…hinaut unta.

Mapasalamaton,
Boying

* * * * * *

Dear Boying,

God can never be outdone in generosity…it is better to give than to receive…if you have God in your life, what more do you need?…Only God suffices… Mao kini ang mga linya nga misulod sa akong hunahuna bahin sa kinaiya sa imong higala nga imong na consider nga usa ka ehemplo sa pagka manggihatagon.

Husto siya sa iyang panglantaw sa kinabuhi. Iyang giila ang mga gasa nga nadawat gikan sa Ginoo, ug gibalik kini Kaniya pinaagi sa paghatag sa Simbahan ug pinaagi sa pagserbisyo sa uban. Sa pagkatinuod lang, ang TIME, TALENT, AND TREASURE, mga gasa nga gihatag kanatong tanan, apan kung atong pamalandungan, naa ba kita’y gihatag balik sa Ginoo ani?

Naa kita usahay mga kasinatian, labi na kung financial contribution ang hisgutan. Akong namatikdan sa panahon sa offertory during the Mass, usahay pilion nato ang pinakagamay nga kantidad sa sulod sa atong wallet og mao ang ihatag sa Ginoo. Usahay kanang mga barya pa gyud! Ngano man nga mag tihik kita sa Ginoo nga very generous man Siya sa Iyang mga gasa kanato? Kung atong pamalandungan, naa baya kita’y mga blessings nadawat nga wala gani nato gipangayo sa Ginoo. Usahay naa pa gyud kita’y madawat nga mga gasa nga dili nato deserve! Remember, God cannot be outdone in generosity!

Husto sab ang imong higala, nga kung makontento lang kita sa kinabuhi, sa pagkatinuod lang, gamay ra ang atong mga panginahanglan (NEEDS) apan kasagaran daghan ra ang atong gusto (WANTS). Sumala pa ni St. Pedro Poveda, “you do not need to be rich in order to give, you only have to be good. He who is good will always find something to give”. Dugang pa niini naa sab usa ka pulong nga nag-ingon, “nobody is so poor that he cannot give, and nobody is so rich that he cannot receive”. You can always share either your time, talent or treasure…naa gyud kay ikadalit sa uban.

Tinuod sab nga mas makalipay gyud ang mohatag kumpara sa mangayo. Indeed it is better to give than to receive. Naay inner joy nga masinati nga dili gyud kabayran sa kwarta. Kung naa kita’y pagsalig sa Ginoo, dili gyud kita mabalaka tungod mobalik og pila ka pilo ang mga gasa dinhi kanato. Ang maayong panglawas usa na ka bililhon nga gasa! Hinaut unta nga makaamgo kita niini. Kung naa kay maayong panglawas, mas daghan ka mabuhat nga kaayuhan sa alang sa uban.

Sumala kay Santa Teresa of Avila, only God suffices. Kung naa kay Ginoo sa imong kinabuhi, igo na…wala nay laing makapuno o maka kumpleto kanimo. Busa, atong paningkamutan nga mahimong conscious and mindful sa mga actions sa Ginoo sa atong adlaw-adlaw nga kinabuhi kay naa gyud ang Iyang presensiya!

Sumala pa nimo, “nanghinaut ako nga pag-abot sa saktong panahon akoa kining matun-an nga mga hiyas sa pagkamaayo.” Ang ako lang masulti, ayaw na paghulat sa saktong panahon. Karon na dayon ang saktong panahon! NOW NA! You only pass this way but ONCE, whatever good you can do, do it NOW…for you will never pass this way again!

Everyone is gifted to give, and so are you.

God bless you more,
Ate Emz