Lumad Exposure Outreach

Nagmalampuson ang pagsaulog sa ika-9 ka tuig nga kapistahan sa GKK Sr. San Jose, Beto niadtong Mayo 1, 2023, adlaw’ng Lunes. Kabahin sa maong selebrasyon mao ang gipahigayon nga Lumad Exposure Outreach Program sa Archdiocesan Catholic Charismatic Renewal Communities of Davao (ACCRCD), paglingaw-lingaw sa mga kabataan og pagpaambit og mga gasa.

Ubos sa pagdumala ni Rev. Fr. Arnold Balaquinto, kura paroko sa Sr. San Roque Parish Malabog, diin nahisakop ang maong katilingban, uban sa Archdiocesan Catholic Charismatic Renewal Communities of Davao (ACCRCD) nga gipangulohan ni Bro. Antonio P. Genzon- ACCRCD Coordinator, San Roque Parish Youth Apostolate nga gipangulohan ni Sis. Jozeil Crodua, PPC members og uban pang mga parokyano, sila namaklay og kapin oras. Nasinati nila ang kalisod sa dalan og pagtabok sa sapa. Ug kini wala nila gihimong babag tungod kay ang dakong tumong nila mao man ang pagpaambit sa ilang gugma ug nga mamahimong gasa ngadto sa mga katawhan sa nahisgotang katilingban.

Sa homiliya ni Father Arnold diha sa Santos nga Misa, iyang gipahinumduman ang katawhan kabahin sa pagpangalagad. nga dunay mga nagkalain-laing matang sa pagsulay. Apan kung ang atong pagtoo lig-on ug kita matinud-anon Kaniya, kining tanan makaya ra.

Human sa Santos nga Misa gisunod dayon ang pagbunyag sa tulo (3) ka mga bata. Nihatag usab og panahon ang mga katawhan sa nahisgotang lugar sa pagpakiglambigit sa mga bisita ilabi sa grupo ACCRCD. Puno sa kalipay ug kasadya ang mga katawhan tungod sa mga gipang-andam nga mga parlor games ug uban pang pag lingaw-lingaw. Makita usab sa ilang mga panagway ang pagmaya tungod sa ilang mga nadawat nga mga regalo.

Mapasalamaton ang PSK sa presensya sa matag-usa diin gugma ang nagpatigbabaw nga pagbati diha sa ilang pagpakigduyog sa ika-9 nga kapistahan sa San Jose-Beto.

Viva Sr. San Jose!

Sa kanunay, Dalaygon ang Dios!

(Arlene Tarnate and Jomar Saguban | San Roque Parish-Malabog SoCCom)