Balik-Lantaw Sa Responsibilidad

Kaniadtong Abril 30, 2023 nagpahigayon ang Commission on Social Communications (SoCCom) sa St. Mary of the Perpetual Rosary Parish (SMPRP) og binulan nga pormasyon alang sa mga pangulo ug myembro sa maong ministriya. Kini gihimo sa alas 9:00 ang takna sa buntag hangtud sa alas 3 sa hapon didto sa Parish Seminar Hall.

Adunay duha (2) ka bahin ang maong pormasyon. Ang morning session mao ang talk ni Ms. Christine Mae Camus, Associate Editor sa Davao Catholic Herald ug sa hapon mao ang talk ni Ms. Hermelita Mapute, Parish SoCCom Coordinator.

Nianang buntaga naghisgot si Ms. Christine sa mga responsibilidad sa mga SoCCom sa simbahan. Nahisgotan nga dili lamang ang pagkuha og larawan, pagsulat og minutes sa meeting ug pagsulat sa mga articles ang trabaho sa isa ka SoCCom. Gitawag usab sila nga mamahimong magsasangyaw sa Maayong Balita, nga pinaagi sa social media mapaila usab si Kristo sa mga katawhan.

Human sa morning session, adunay photo opportunity ang tanang mitambong kauban si Ms. Hermie Mapute ug Ms. Christine Camus. Misunod ang paniudto ug adunay icebreaker nga giandam ang mga animators sa maong ministriya.

Nagsugod ang afternoon session sa ala una sa hapon. Nagpaambit si Ms. Hermie Mapute sa basics sa paghimo sa usa ka minutes sa meeting ug usab mga tips kung unsaon paghimo niini.

Malipayon ug malampuson ang pormasyon sa mga SoCCom tungod Kay ubay-ubay ang mga mitambong ug tungod mas nagkailhanay ang matag usa. Kini usa ka maayong panig-ingnan sa pagpalambo sa usa ka ministriya.

Ang maong pormasyon usa sa mga kinahanglanon kon requirement alang sa umaabot nga Sending Forth sa mga pangulo ug myembro sa Social Communications Committee karong Mayo 28, 2023 sa alas 3:30 sa hapon nga Santos na Misa sa Parokya. (Allyza Hope Tabigue, GKK SoCCom | Photos by JB Berdera, Jr.)