Unsaon Pagbag-o?

Dear Ate Emz,

Ang akong kasinatian mahitungod sa akong pagbati nga madinumtanon. Basta gani duna akoy ma engkwentro, mutatak dayun sa akong kasing-kasing ug huna2x. Dugay akong makalingkawas o maka move on sa panghitabo o nabuhat nga dili ko maangayan. Akoang timan-an human naka tatak na dayun.

Kini nga kina-iya ang gusto kong usbon. Sayud ako nga mali kini. Dili man gud nako ugali nga mangaway o dunay ka bikil. Dili sab nako ugali ang mubalos o manimalos. Ang ako lang, let karma take its course. Mu distansiya na ako ug dili na kaayo makihalobilo. Dili man sab hangtud sa hangtud, apan taud-taud una ako maulian. Putong lang siguro ako ug mubo ang pasensiya. Struggle kini sa akoa. Unta mausab na. Unsaun man?

Daghang Salamat,
Andoy

* * * * * *

Dear Andoy,

Ang matag usa kanato adunay iyang kaugalingon nga mga pakigbisog sa kinabuhi. Usa niini mao ang paagi sa pagbuntog sa atong mga kahuyang nga mahimong makaapekto sa atong relasyon sa uban ug mahimong makababag sa atong pagtubo isip usa ka indibidwal.

Salamat, Andoy, sa imong gipakita nga pagpaubos ug pagpaambit sa kaugalingon nga pakigbisog sa kinabuhi. Nahibalo ko nga dili ingon ani kadali buhaton labi na ang negatibo o kahuyang nga kinaiya.

Ang paghawid sa mga negatibo nga mga kasinatian o pagdumot mao ang pipila sa labing lisud nga mga butang nga buhian. Sa akong hunahuna, kung makahatag kanimo og kasakit sa kasingkasing, nganong huptan man kini?

Nakasulti ka nga dili sab nimo ugali ang mubalos o manimalos ug “let karma take its course”. Busa, ang imong ginabuhat mao ang mu distansya na lang, dili na kaayo makihalobilo ug labaw sa tanan, dili mangaway. Sa imong panglantaw, dili ba kaha kini mga pamaagi sab sa pagpanimalos? Mahimo nga wala ka makaamgo apan ang paghilom mahimo usab nga usa ka matang sa pag panimalos.

Your silence can also hurt the other person who inflicted pain in you. Apan kung gigamit nimo ang temporaryong paghilom usa aron mapalipas ang kasuko or kahiubos, maayo kini siya nga tubag sa sitwasyon…kung dili dugayon ug paningkamutan nga istoryahan ang issue aron makab-ot ang panagsinabtanay. Apan ang paghupot niini mao ang dili maayo alang sa mga hingtungdan.

Aton hinumduman nga ang pagdumot makadaot sa atong kaugalingon. Murag sama sa usa ka ulod nga imong gitipigan sulod sa imong kaugalingon ug hinay hinay kini siya mo puyo sa parte sa imong lawas, hangtod nga kini mamahimong pisikal nga sakit diha kanimo. Usahay makasulti kita nga ilubong na lang sa kalimot ang mga panghitabo o ang issue, apan sa tinuod lang, gilubong kini siya ug buhi, busa, kini kanunay maghasol kanimo gawas kung imong hatagan ug pagtagad ug atubangon kini sa positibo nga paagi.

Ang pagpasaylo, paghatag o pagpangayo niini, usa ka paagi sa pagwala sa mga pagdumot. Masabtan lang nato ang usa ka indibidwal kung ngano nabuhat niya ang iyang nabuhat tungod kay naa gyud kini hinungdan. Kung imo lang unta hatagan ang imong kaugalingon og higayon nga mahibaluan ang rason ngano nabuhat niya ang usa ka butang, ang pagsabot sa mga sitwasyon makab-ot gyud, busa, dali ra ang paghatag ug pasaylo sa uban.

Remember, nobody is perfect, we have the tendency to commit mistakes and sometimes some individuals are not aware that their words or actions may have hurt you. That is why communication is important. Kinahanglan makat-on og padayag sa gibati samtang sayo pa ug makaya pa kini i-manage. Tungod kay lisod na kaayo kung “mapuno na ang panaksan” ug kalit lang nga mobuto na kini ug maka cause sa labing dakung damage.

Avoid being judgmental. Our perception of situations might be wrong, so it needs to be validated by asking or clarifying things with the person who has hurt you. Sayang ang mga unnecessary energies nga imong gihuptan dinha. Kung unta nakapangutana ka dayon, na release ang mga kasuko o kahiubos ug dili na makahasol o makadaot sa imong relasyon.

Above all, remember St. Paul’s words, “for when I am weak, then I am strong”, (2 Corinthians 12:10). Trust in God’s promise that His GRACE IS ENOUGH FOR YOU in the midst of your struggles. God’s power perfects our weaknesses, allowing us to do so much more than we could ever do on our own.

Kapag na overcome ang weakness, ang mga moturok o matatak sa imong kasingkasing mao ang mga appreciations and gratitude for all that happens in your daily life, rather than the negative ones.

Matud pa sa usa ka panultihon…LET GO AND LET GOD…and everything will be blessings even in disguise.

God bless you more,
Ate Emz