Pul-anon Lang Gyud Ko

Dear Ate Emz,

Ang akoang concern related kini sa akong pagpang-empleyo. Klase-klaseng trabaho na ang akong gisudlan. Lain-lain na sab nga mga personalidad sa tawo mga ka trabaho apil na ang lugar kung diin ako makakita ug trabaho.

Kining akong kasinatian makaingon ako og colorful. Nakat-onan ko kung unsaon pag tratar o approach sa mga nagkalain-laing pamatasan sa ka-trabaho. Nindot nga kasinatian apan ang akong pagpanarbaho dali lang ako ma pul-an. Mura ba ug dili ako maka pundo ug dugay sa usa ka establisimento. Human sa usa o duha ka tuig ma pul-an na dayun ako. Mangita na sab ug ika puli. Ingon ani na ang dagan sa akong pagpanarbaho. Nahimo ko na ang pagpang-ahente sa nagka lain-laing produkto. Nahimo sab akong MedRep kaniadto. Call center naagian ko na sab ug daghan pang uban. Wala ako nagdugay kay tungod sa mga kakulian.

Duna akoy makaaway nga ka trabaho o di ba kaha maabtan ako sa kalaay, dili ako ma kuntento sa akong sweldo mao nga mangita na sab ako ug trabaho nga dunay arang-arang nga kita… mga rason nga dili ko modugay sa usa ka kumpanya. Loyalty sa kumpanya, kini ang wala nako.

Mu bilib gani ako sa akong mga higala nga dugay na sila sa kumpanyang ilang gi trabahoan. Nagpabilin og pila na ka mga ka tuigan. Tan-aw nako dili ko kayanun. Ingon ko sa akong kaugalingon nga ulitawo bitaw ako, bata pa bitaw ako (I am 35 years old), wala bitaw akoy dakong responsibilidad, duna pa man akoy ginikanan nga ma sandigan. Tinood apan dili hangtud sa kahangturan nga ingon ini na lang. Husto na ang akong naagian. Tama na ang mga na kalas nga panahon. Naka desisyon ako nga oras na sigurong bag-ohon ko na ang akong mga pamaagi.

Unsaon nako pagsugod sa uno? Unsa ba ang mga pamaagi nga aron mawala na ang akong mga karaang kinaiya samtang naa pay higayon ako kining gamiton?

Mapul-anon,
Franko

* * * * * *

Dear Franko,

Salamat sa gasa sa trabaho kay naa kay source of income nga makasustenir sa imong mga panginahanglan. Napaka blessed mo tungod kay bisan pa sige ka balhin-balhin og workplace, naa gyud kay kabalhinan. Dugang pa niini, nagtoo ako nga very rich na gyud ang imong mga experiences kung exposure sa lain-laing mga tawo ug klase sa mga trabaho ang hisgutan. Siguro multi-skilled na gyud ka karon tungod sa imong mga nakat-unan sa kada establisimento nga imong maagihan.

Sa akong panglantaw, ang imong kinaiya nga dali lang mapul-an, murag nagpadayag nga naa kay ginapangita nga makatagbaw kanimo apan murag wala pa nimo kini nakab-ot. There seems to be restlessness within you which you may be trying to satisfy by hopping from one job to another and you identified this as “daling mapul-an”. Actually kining imong panglantaw nga “daling mapul-an”, symptom lang kini siya of something deeper that you need to find out. Maybe you have not found MEANING in what you are doing. Possible nga ang imong pagpanarbaho is just to earn and nothing more. Mao nga dili gyud ka maglahutay bisan asa ka ibutang.

Sa age nga 35, kasagaran sa mga ingon ani nga pangidaron, some are more or less already moving towards realization of their goals in life, while others are already getting settled as to raise a family of their own. Ang uban tingali nagapadayon pa ug palambo sa ilang careers pinaagi sa further trainings and studies to develop more competencies and expertise. Sa laing pagkasulti, nagtoo ako nga naa silay mga tumong sa kinabuhi nga ilang ginapaningkamutang makab-ot ug makahatag kahulugan sa ilang mga buhat.

Ang hagit kanimo karon mao ang mahimong loyal sa establisimento kung asa ka nagtrabaho. Loyalty may be a by-product of the MEANING and value you attach to what you are doing. Kung nanarbaho ka lang for the sake of having a job, dili gyud ka magdugay tungod kay walay mahinungdanong padulngan kini. Murag maanod ka lang sa kinabuhi nga walay direksyon. Mao nga makasulti ka nga “ulitawo bitaw ko…walay kabilinggan…naa pa ang ginikanan nga masandigan…etc”. Di ba kaha kini nagpadayag nga murag nagtutok ka lang sa imong kaugalingon?

Kung imong gikosiderar ang imong trabaho ingon usa ka paagi sa pagserbisyo sa uban (ginikanan, igsuon, kauban sa trabaho, kliyente, etc.) samtang imong gipahiangay ang imong kaugalingon sa mga katuyoan sa kompanya nga gitrabahoan, tingali ang imong loyalty mahitabo na. Nahinumdoman nako ang pulong ni Mother Teresa of Calcutta, “A LIFE NOT LIVED FOR OTHERS IS NOT A LIFE”. Mao siguro nga naka mention ka sa imong sulat nga “tama na ang mga nakalas nga panahon” tungod kay naka realize ka nga murag walay hinungdan katong mga panahon nga sige kag balhin-balhin og employer.

Salamat sa giya sa Holy Spirit, nakamata ka og nakapagdesisyon sa pagbag-o sa imong dalan. In the silence of your heart, keep still and pray for more enlightenment and guidance aron mahatagan ka og igong gasa nga imong gikinahanglan aron ma-overcome nimo ang imong “karaang kinaiya nga mapul-anon”.

Following the words of St. Paul the apostle, “my weakness has become my strength”. Moabot gyud ang panahon nga kining imong pagka pul-anon mapulihan og malipayon ug mahigugmaong pagserbisyo nga molahutay, dili lang alang kanimo apan alang sa mga tawo nga imong masagubang sa paglawig aning kalibutan.

As long as God becomes the center of your life, your job becomes your calling and a mission… and everything will fall into place.

May God bless every step you take in your journey towards a more fulfilling and meaningful life.

Have a blessed Easter celebration!

God bless you more,
Ate Emz