Pangayuag Una Ang Kabag-ohan

(Homily of Most Rev. Romulo G. Valles, D.D., Archbishop of Davao during the Livestreaming Mass, April 18 2023 – 5th Archdiocesan Shrine Fiesta Celebration of San Vicente Ferrer, Mulig, Toril, Davao City.)

Ni ingon ang unang pag-ampo karon, San Vicente ang tono: “O Dios ikaw nagpili kang San Vicente nga magwawali sa Ebanghelyo”. Kinsa man ang Ebanghelyo, ang unod sa Ebanghelyo? Si Jesus. Balik ta sa pagbasa. Ni-ingon ang Unang Pagbasa nga ang katawhan, tungod sa ilang pag-ila kang Jesus, ingon pa gani nga nagsaksi sila sa nabanhaw nga Jesus. Kining kasinatian kang Jesus nga nabanhaw nakapausab sa ilang kinabuhi. Laktod nga pagkasulti pud, ang ilang kinabuhi namatay ug nabanhaw. Meaning, namatay sa daang batasan unya nabanhaw sa bag-ong kinabuhi diha kang Jesus.

Now, ang logic karon kung nakuha nato ang gisangyaw sa magwawali sa Ebanghelyo nga si San Vicente Ferrer ug kung atong gidawat ang giwali ni San Vicente nga mao ang nabanhaw nga Jesus, sama sa Unang Pagbasa, unta ang atong kinabuhi dunay kabag-ohan ug grasya sa Dios. Mao nay kalipay ni San Vicente. Ug mao ni ang atong pagpaningkamot nga ang Dios makasulod sa atong kasingkasing ug mabag-o ang atong kinabuhi. Ang Unang Pagbasa nag-ingon nga sa ilang pagdawat ni Jesus, inig lingi sa mga silingan, di sila katan-aw nga may nanginahanglan. Naay sampol gani nga naay usa katawo nga ang iyang kasingkasing nabag-o pagtan-aw niya nga adunay mga naglisud, iyang gibaligya ang iyang kabtangan kay iyang gihatag sa iyang silingan. Busa usa sa nindot nga epekto di lang sa Unang Pagbasa, ako gi-emphasize nga kung tinood kitang devotees ni San Vicente Ferrer, ang miracle nga atong pangayuon una sa tanan mao ang miracle sa pagkabag-o sa atong kinabuhi.

Sama sa Unang Pagbasa karon kay together gyud, tanan igsuon, tanan bation nimo nga kinahanglan uban gyud sa panaw sa kinabuhi. Matod ni Jesus sa Ebanghelyo, ingon Siya nga kon buotan ta, kon mutagad ta sa atong kaila, kon magpa-utang ta sa makabayad, kung muhatag ta sa maka thank you nato – pagano kayo ni nga buhat, dili Kristyano. Apan mi-ingon si Jesus, kon muhatag ka sa angay di hatagan kay sige ni ug pangutang, libakera pa gyud ni, palahubog, way pulos ning tawhana, di angay hatagan – kon di ka muhimo ni-ana, dili ta maayo nga deboto ni San Vicente Ferrer. Ang ingon ni Jesus: “Higugmaa ang inyong kaaway”. Lisud kini buhaton mao nang mubalik kita sa unang pag-ampo nga si San Vicente Ferrer mao magwawali sa Ebanghelyo, ang magwawali ni Jesus and once more niining adlawa, mangayo kita kang San Vicente nga atong tinuod-on ang pagpuyo ni Jesus sa atong kinabuhi.

Mao na nga ang usa ka sukdanan o tan-awonon sa atong kinabuhi muanhi ta sa Ebanghelyo. Niingon ang Ebanghelyo karon nga ang atong koneksyon nianang gisangyaw ni San Vicente Ferrer nga Maayong Balita nga mao si Jesus, ang atong pagkasuod niya, pagkakonektado niya mao ang atong pagkabinunyagan. Busa atong tan-awon karon, atong sumpayan, pagpasulod ni Kristo sa atong kinabuhi, naa nana nga tatak sa atong pagkabinunyagan. We are here tungod kay pareha kita ug pagtoo tungod sa bunyag. Kon muanhi kita sa Shrine, usa sa atong ibutang sa atong huna-huna, kumusta man ang akong identity, kumusta man ang akong characteristic, kumusta man akong dugo, kumusta man akong kaliwat nga pagkabinunyagan? Kumusta man akong Batasan, dili ba ko maulawan sa atong batasan isip usa ka binunyagan? Mao ni angay tan-awon nato. Sa tradisyon sa simbahan nga ang pagbiya sa kaugalingon, ang pagbiya sa atong batasan nga di angayan sa pagkabinunyagan atong himuon kana sa grasya sa sakramento sa pagkumpisal. Busa ang mandato sa San Vicente Shrine nga ang mga liturgical services makatabang kung mabag-o, marenew ang atong identity sa atong pagkabinunyagan. Muanhi kita sa shrine para mag-ampo sa atong mga intentions ug mag-ampo kita nga madugangan ang bokasyon sa pagkapari kay si San Vicente Ferrer usa man ka pari. Subay sa kasinatian sa simbahan kung dunay mga debosyon nga sama ni-ini nga nindot pag-ayo, gi-ingon nga giyahan ang mga tawo ug mupadulong alang sa kalamboan sa tanan.