Motuo kita aron kita makakita

Ika-2 Domingo sa Pasko sa Pagkabanhaw (April 16, 2023)
Acts 2:42-47 / Ps. 118:2-4, 13-15, 22-24 / 1 Pt. 1:3-9 / Jn. 20:19-31

Unya miingon si Hesus kang Tomas, “Tan-awa ang akong kamot ug hikapa kini. Hikapa usab ang samad sa akong kilid. Tuo ug ayaw na pagduhaduha!”

Karong adlawa, gipakita sa Diyos nga Siya nabanhaw gikan sa mga patay. Ang nabanhaw nga Kristo makita sa mga mata sa mga tawo. Nakita nila kung unsa ang kinahanglan nilang makita, aron sila motuo. Apan kumusta ang mga tawo nga wala pa makakita Kaniya? Kinahanglan ba nga sundon kanunay ang panan-aw uban ang pagtuo? Kita makakita aron kita motuo. Sa unsang paagi ang maong lihok makapakitag tinuod nga pagtuo?

Ang pagtuo mao ang pagtuo gyud bisan pa wala makakita o makahibalo kung unsa ang makita o mabati. Dili kinahanglan nga kita makakita ug makabati sa tanang panahon, sama sa gusto sa kadaghanan kanato. Isip mga tawo, nangita kita og mga rason, ug tinuod nga mga buhat alang sa unsay atong gitinguha base sa atong mga sukaranan. Ug diha kita nawala sa punto!

Nasayop kita sa pag-sabut sa mensahe sa Diyos. Gusto niya nga kitang mga tawo, motuo bisan pa sa mga unos nga moguba sa atong bahandi, mga tintasyon nga modakop sa atong mga pagbati, ug mga kasakit ug kasubo nga makadaot sa sentro sa atong kinabuhi. Gusto Niya nga kita mosalig Kaniya kanunay, imbes nga mabalaka kita tungod kay Siya Diyos. Siya nakig-away alang sa atong mga panagbangi ug naghatag og hustisya sa tanan.

Mao nga ang mensahe karon tataw kaayo: hupti ang imong pagtuo ug makasinati ka og mga milagro! Sa bisan unsa nga kahimtang, ang Diyos nakakita ug mibati kaninyo. Ayaw itugot nga ang pagduhaduha makapaluya sa atong espiritu. Mao kini kanunay ang gibuhat sa daotan. Iya kitang gipaluya ug gihatagan ug gahom pinaagi sa pagkawalay pagtuo. Kinahanglang dili kini makadaot sa espiritu sa natural nga kaayo nga atong nadawat sa dihang gidawat nato ang Dios sa seremonya sa atong bunyag. Himoa nga ang gugma, paglaum, kalig-on sa kinabuhi ug mga bunga sa Balaang Espiritu magmando kanato ug mugiya kanato kanunay. (Bro. Ranie Boy Pamplona)