Mabuntisan Radaw Ko

Dear Ate Emz,

Gusto lang nako i-share akong experience kaniadtong dalaga pa ko ug nangandoy nga makahuman gyud sa pag-eskwela. Sakit lang kaayo paminawon ang mga pinulungan nga akong naangkon, nga murag gipangunahan sa mga judgment nga makaapekto sa akong kakayahan sa pagdala sa akong kaugalingon. Sakit siya tungod kay akong mga relatives mismo ang nagpakita nga walay salig kanako, kay kuno dili lang gihapon ko makalampos kay mabuntis ra man daw ko, ug masayang lamang kuno ang akong pag-eskwela.

Nituhop gyud sa akong alimpatakan ang mga pasangil mao nga akong gipamatud-an nga dili kini mahitabo. Nitarong gyud ko sa akong pag-eskwela. Milabay ang mga katuigan ug gidungong sa Ginoo ang akong mga paningkamot. Nahuman ra gyud ko sa akong kolehiyo nga walay kakulian. Sa kini nga higayon nakasulti ako sa akong kaugalingon nga gikaon ra gyud sa akong mga relatives ang ilang mga gipanulti nga mga pasangil ug mga pamasin kanako. Mao nga taas noo ko nga ibalandra kanila ang akong naabot nga sukwahi kaayo sa ilang mga judgments kanako.

Sa pagka karon, 35 years old na ako, minyo, apan wala pa nagasahan og anak. Naghulat lang mi sa taknang panahon, sa pagbuot sa atong Ginoo, kung kanus-a kami Niya gasahan niini. Labaw sa tanan, nagpasalamat gyud mi Kaniya sa bisag unsa nga mga blessings nga Iyang gibubo sa among kinabuhi.

Daghang Salamat,
Jill

* * * * * *

Dear Jill,

Salamat sa gasa sa edukasyon, usa kini ka paagi nga molambo ang kinabuhi ug nakab-ot nimo kini nga walay kakulian, sukwahi sa mga panagna sa uban. Salamat ug gigamit nimo sa positibo nga attitude ang ilang mga pagduhaduha, ug giisip nimo kini nga usa ka hagit aron pamatud-an kanila nga nasayup sila. Tingali pamaagi sab kini sa Ginoo aron mapursige gyud nimo ang imong pagpaningkamot aron makalampos ka sa imong pag eskwela. Na imagine ko lang, siguro katong panahon sa imong pagdawat sa diploma, lami kaayo sila “pikatan” kay nasayop sila sa ilang mga pag hukom kanimo, di ba? Pero murag ingon ani sab ang nahitabo tungod kay sumala pa nimo, “gikaon nila ang ilang mga pasangil ug pamasin” kanimo. However, I hope na wala gyud nimo kini gipamukha sa ilaha with an attitude of looking down at them for their misjudgment. If you come to think of it, it was also a blessing in disguise that their words became a motivation for you to be serious about your studies.

Makita nato kung giunsa paglihok sa Ginoo sa atong kinabuhi. Usahay ang makapadasig sa atoa mga encouraging words gikan sa uban. Apan sa ubang panahon, ang mga masakit nga pulong makaduso usab kanato sa pagkab-ot sa atong mga tumong. Kining tanan depende sa atong attitude o paglantaw sa mga panghitabo sa atong kinabuhi. Atong hinumduman nga ang tanan GASA gikan sa Ginoo.

Sa imong kabahin, Jill, maayo sab nga nakab-ot nimo ang kalampusan tungod kay na-prove nimo sa uban nga sayop sila. However, in the future, I hope that your motivations to achieve something is not anymore motivated by wanting to prove something to others that they are wrong, but more on wanting to prove to YOURSELF that you are capable of achieving your goals for your own sake. Murag unfair sab sa imong kabahin kung ang imong mga pagpaningkamot mao lang nga ipakita sa uban nga sayop sila tungod kay murag naay kauban kini nga negative feelings and chances are you may not be happy because of always trying to prove yourself to others, di po ba?

On the other hand, bahin sa imong kinabuhing minyo, naa lang koy pangutana, kini ba ang imong sitwasyon nga wala pa moy anak, may kalabutan ba sa imong kasinatian kaniadto? Na mention man gud nimo sa imong sulat ang mga pulong “rason nga kaniadto man gud sa dalaga pa ako, mga sakit nga pinulungan ang akong naangkon”. Sa ingon ani nga kaso, ako kang dapiton sa mas lawon nga pagpamalandong tungod kay basig kini adunay impluwensya sa imong kahimtang karon nga wala lang nimo nahibal-an. In other words, this might have unconsciously influenced your present situation.

Sa pagkakaron, ayawg kawala ug paglaom. Sa panahon sa Ginoo ug sa Iyang kaugalingong paagi, ihatag Niya ang labing maayo alang kaninyong magtiayon, hangtod sa paghatag sa inyong tinguha nga makabaton ug anak sa pamilya. Basin ang Iyang tubag sa inyong mga pag-ampo, sa pagkakaron, mao ang “hulat lang usa”…

Meanwhile, stay grateful and humble with what you have achieved in life…use them to serve those people you meet in your journey through life, for His own glory!

God bless you more,
Ate Emz