Ang Pangpangalagad Grasya Sa Ginoo

Ang ika-duhang Domingo sa Pasko sa Pagkabanhaw ug ang pagsaulog sa kapistahan sa Divine Mercy, nagmabulokon tungod sa kahiusahan sa tanang katawhan sa pagsimba sa nabanhawng Ginoo! Sulod sa Santos nga Misa sa alas 9:30 sa buntag gihimo ang pagbag-o sa panaad sa San Pedro Cathedral Worship Ministry uban sa ilang sister in-charge nga si Sr. Elaine Marie Difuntorum, OSB. Ang mga nanaad sa ilang kaakuhan diha sa pagpangalagad mao ang mosunod: LECCOM (Lectors/Commentators), Eucharistic Ministries of Holy Communion, Choir, Men and Women Collectors, Knights of the Altar, Children’s Lectors and Choir, Arts and Environment and Text and Rites.

Sumala sa arsobispo sa Davao, Abp. Romulo C. Valles D.D., nga maoy nag dumala sa panaad sa Worship Ministry angayan gayud nga kita matinud-anon sa uban ug puy-an ang pulong sa Dios, mahimo nato kini kung ang atong spiritu una, katilingbanon; ika-duha malaumon, diha sa pagkinabuhi lig-on; ug ang ika-tulo, mapasayloon; sama ni St. Francis, nindot kaayo kung mabatunan nato ang hugot nga kalooy ug ang kaayo sa Ginoo.

Sa katapusan, ang obispo nag ingon ug ako mikutlo “experience and feel that God has mercy and compassion diha sa pangpangalagad sa atong Worship Ministry dinhi sa atong simbahan kini tungod sa grasya sa Ginoo.” (Rosalinda C Jabonillo | San Pedro Cathedral Parish SocCom)