Kumpyansa Ra

Dear Ate Emz,

Usa ako ka construction worker. Nagtuo ako nga daghan og mga butang dinhi sa kalibutan nga kahibulungan, mga bagay-bagay nga lisud sabton ug ang Ginoo lamang ang nasayod niining tanan.

Lisud gyud ang kinabuhing pobre kay walay kasigurohan ang tanan kung hangtud asa kutob ang pisi sa kinabuhi nga atong gihuptan.

Na disgrasya man gud ako sa akong gitrabahoan nga usa ka building. Wala ako naghuna-huna sa akong seguridad kay dugay-dugay na sab ako sa maong panginabuhi. Anaa ang akong kumpyansa sa kaugalingon nga dili mahitabo ang wa ko damhang panghitabo. Nahulog ako gikan sa tres andanas kay na ligas ang akong tiil sa gitumban kong sandayong samtang bit-bit ang usa ka bug-at nga palas-anon. Perte nakong hagsaa. Nabundak ang akong likod ug akong bit-bit midat-ug kanako. Nawad-an ako sa maayong panimuot ug sa akong pagmata anaa na ako sa hospital.

Miingon akong kauban sa trabahoan nga maoy nidala kanako nga swerte kuno ko kay nabuhi pa ako. Duna akoy mga bali sa gusok apan maayo lamang kini sa saktong pahulay ug mga tambal matud pa sa Doktor.

Ikaduhang kinabuhi ko na kini nga utang kabubut-on sa atong Ginoo. Nagpahinumdom kanako nga anaa gayud Siya sa atong kiliran kanunay naga uban. Dunay rason ug nganong gilugwayan pa niya akong kinabuhi wala ko masayod basta ang akong hugot nga pagtoo duna pa siyay plano kanako.

Hinaut unta nga kining akong kasinatiang gipaambit makahatag og pagtulun-an nga kanunay gyud kita mapasalamaton sa atong gasa sa kinabuhi.

Berto

* * * * * *

Dear Berto,

Praise and thank God for this second chance at life! Nagtoo ako nga usa gyud ka milagro ang nahitabo sa imoha mao nga gihatagan ka pa sa atong Ginoo og lugway sa kinabuhi. Husto ang imong gihunahuna, nga naa pa gyud plano ang Ginoo alang kanimo mao nga hangtod karon nakatagamtam ka ug kalipay bisan pa taliwala sa mga pangutana sa kaugalingon kung unsa gyud kining giplano Niya alang kanimo.

Sumala pa sa usa ka panultihon, LIFE IS NOT A PROBLEM TO BE SOLVED BUT A MYSTERY TO BE LIVED. Tinuod, lisod sabton ang mga panghitabo sa atong kinabuhi kay ang Ginoo lamang ang nasayod sa tanan. We cannot fathom God’s plans for us, limited as we are. Apan salig lang gyud ta Niya kay mas nahibalo Siya kung unsa ang labing maayo alang kanato.

Curious lang ako…sa pagkakaron, unsa nga mensahe gikan sa Ginoo ang imong naamgohan gikan aning panghitabo sa imong kinabuhi? Siguro angay lang nga hunahunaon kining mga pangutana…Unsa ang nabag-o sa imong mga panglantaw o sa imong kinaiya? Unsa nga mga butang ang imong gisugdan sa pagbuhat o padayon nga buhaton, ug dili na pagabuhaton niining ika-duhang yugto sa imong kinabuhi? Nagatuo ko nga ang imong mga tubag niining mga pangutana, makahatag og dugang bili ug kahulogan sa imong panaw niining imong yutan-ong kinabuhi ug mas labing i-focus ang imong pagtan-aw sa espirituhanong mga butang.

I agree with what you expressed in your letter, nga naa gyud ang Ginoo kanunay sa atong kiliran ug dili gyud Niya kita biyaan. Sa kasagaran, kita hinuon ang nagpalayo ug mibiya tungod sa atong mga sala ug mga kasaypanan. Apan manguhit gyud gihapon Siya aron mobalik kita sa Iyang sabakan. Ingon ani Niya kita ka pinangga ug giampingan. Tingali kining panghitabo nga imong nasinati usa ka pahinumdom or pagpanguhit sa Ginoo alang kanimo aron mas maduol ka pa Kaniya ug hingpit nga mosalig sa Iyang pagbuot. In addition to this, maybe He wants you to shout to the whole world of His love, mercy and compassion. Ug sa imong maayong ehemplo, makadani ka og daghang mga tawo nga mobalik usab ngadto sa Ginoo.

Everyday, God’s will for you continues to unfold. Hinaut unta nga mahimong sensitibo ka sa tanang mga ordinaryong panghitabo sa imong adlaw-adlaw nga mga bulohaton. Ug sa mga tawo nga imong makahimamat…usahay naa dinha mapadayag sa Ginoo ang Iyang mensahe kanimo. Pinaagi sa regular nga pag-ampo, makapaminaw sab ka sa Iyang mga pulong alang kanimo, busa, hatagan gyud nimo Siya ug higayon nga makigsulti kanimo, ug dili lamang ikaw ang nakigsulti Kaniya sa kadaghanan sa imong oras sa pag-ampo. Usahay man gud, sa atong mga pag-ampo, kita lang ang sige ug yawyaw, unya dili nata makagahin og panahon aron maminaw sa Iyaha.

Hoping and praying that you will continue to make your life an endless expression of gratitude to God, the source and reason and the ultimate goal for everything that we are and we have.

Take care and may our Blessed Mother protect you under her mantle as you go about your work in the construction area.

God bless you more,
Ate Emz