Kinabuhing Daw Rosaryo

Dear Ate Emz,

Usa ako ka amahan, naay 4 ka mga anak. 50 anyos na ako ug usa ka biyudo.

Niagi ako sa kinabuhing pagkapait nga kasinatian. Sa kaniadtong nagkasakit na ang akong asawa, problema diri problema didto ang akong gisagubang niadtong tungura, pangpaospital, ug pampalit og tambal. Akong ka libog, kaguol, kahadlok murag sangko gyud sa langit. Nagka utang-utang pa gani ako sa mga kaila ug nagpa-baga sa nawong aron lang nga makakita og pamaagi.

Wala magdugay ug ang akong asawa mipanaw gyud. Gidawat ko ang kapalaran nga gihatag sa GINOO. Maayo na lang duna akoy mga igsoon nga mi alalay kanako sa pagbangon. Dili ko gyud kaya mag inusara nga duna pay mga anak nga gagmay pa. Dako kaayo ang akong pasalamat sa suporta ug alalay gikan sa akong kabanay. Labaw na sa atong Ginoong Jesus nga wala ko niya biyae bisan tuod nga nakapangutana ko ug nganong iyang gipatilaw ang maong suliran.

Milabay ang mga katuigan hinay-hinay ko na nga nakabangon ug hangtud nakakita ako og laing pangasawhonun. Gikasal kami sa huwes ug sa hinanaling panahon kay tungod ang iyang trabaho tua sa gawas sa nasud ug mubo ra ang panahon nga anaa siya sa Pilipinas ug paningkamutan nga maka angkon sa sakramento sa kaminyoon sulod sa Simbahan na pud puhon.

Salamat,
Jervy

* * * * * *

Dear Jervy,

Let me express my condolences for the loss of your first wife. May perpetual light shine upon her as she rests in peace in God’s loving arms.

Ang kinabuhi puno og nagkalain-laing mga kasinatian. Sama sa mga misteryo sa rosario, naay joyful, sorrowful, luminous, ug glorious mysteries. Samtang kita naglawig aning kalibutan, ato gyud kining maagian, busa dili gyud layo ang atong kinabuhi sa mga naagihan sa atong Ginoong Jesukristo.

Usahay taliwala sa mga pagsulay dili malikayan nga makapangutana ka “ngano gipatilaw ko sa Ginoo ug ingon ana nga mga pag-antos? Sa tinuod lng, dili gyud nato masukod o masabtan ang kinatibuk-an nga rason ngano. Apan ang Ginoo dili motugot sa kasakit nga walay katuyoan. Usahay kini usa ka timaan nga adunay kinahanglan nga usbon sa atong kinabuhi. Busa, kinahanglan gyud pamalandongan nato pag-ayo kon unsa ang mensahe sa Ginoo alang kanato luyo niining tanang pagsulay.

Ang importante naka realize ka nga wala gyud ka Niya gipasagdan o gibiyaan. Naay mga tawo nga Iyang gipadala aron mag-atiman nimo…ang imong pamilya ug imong mga kabanay. Mao kini ang mga timailhan nga giatiman gyud sa Ginoo tungod gituman Niya ang Iyang gisaad nga ang Iyang grasya igo na kanimo. Dili ka Niya padalhan og mga pagsulay nga walay grasya.

Sigurado nga kining tanan nga mga pagsulay nakapalig-on ug nakapalawom sa imong pagsalig sa Ginoo, pagpailob, paglahutay taliwala sa mga kalisdanan. Dayegon ug pasalamatan ang Ginoo nga nabuntog nimo kining tanan. Ug karon padulong ka na ngadto sa malipayong bahin sa misteryo sa imong kinabuhi! Gigasahan ka sa Ginoo og kapikas sa kinabuhi nga makauban nimo sa padayon nimong paglawig aning kalibutan.

In your situation right now, where you and your new wife are separated by distance, I just hope and pray that you will bridge the gap with constant communication to nurture your relationship, and keep it alive where love grows stronger. Usa sab kini siya ka hagit sa pagsalig sa usag-usa tungod kay daghang mga tentasyon nga inyong sagubangon. Dinhi nga sitwasyon, kinahanglan gyud ang presensiya sa Ginoo dinha sa inyong kaminyoon. Nanghinaot ko nga dili dugayon ang paghulat aron makapahimulos mo sa Sakramento sa Kaminyuon tungod dinhi ang mas daghang grasya nga ibubo sa inyong relasyon. Hinumdomi nga ang Sakramento gigikanan sa grasya sa Ginoo.

In the meantime, maybe you can try praying together each night, as a family at a certain time, making use of technology, via zoom or any other apps. In this way you actually put God at the center of your family life…in spite of the distance. I am sure this practice will bring you much closer to God and to each other. Think about it.

God bless you more,
Ate Emz