Dili pagwapo o pagwapa

Atol sa iyang turno sa programa nga Tingog Sa Magbalantay sa DXGN 89.9 Spirit FM niadtong Marso 5, gisaysay ni Arsobispo sa Davao, Most Rev. Romulo G. Valles, D. D., ang mga pipila ka mga gikinahanglang pagpalambo sa pipila ka mga gambalay sa Arkidyosis sa Davao.

Ikaduha, gipasabot usab ni Arsobispo Valles ang gipaningkamutan ni Msgr. Paul Cuison, Procurator sa Arkidyosis sa Davao, uban sa panalangin ni arsobispo, nga pagpalambo sa gitawag nga PME Rest House sa Barangay Dumoy. Ingon ni Arsobispo Valles, “ang mga PME nga mga pari nga unang misyonero sa nahimo nang prelature ang Davao naghuna-huna gyud nga dunay kaadtoan ang mga pari aron makapahulay…. Salamat sa mga layko nga mitabang usab sa pagpanindot niining maong lugar.”

Ug ikatulo, iya usab nga gipanawagan ang tabang sa manggihatagon nato nga katawhan sa pagpaayo sa gambalay sa DXGN 89.9 Spirit FM studio. “Dinhi sa arkidyosis ako ang pinakatigulang nga mosulti. Maulaw ko nga mangayo sa mga tawo kay nagsige nata. Pero dili man ni para nako, para, man ni sa mga tawo sa Davao, para sa apostolado,” dugang saysay ni Arsobispo Valles. Iyang gitapos sa pag-ingon nga “kinahanglan na gyud ato ayuhon ang DXGN kay gianay na, gamay na pud siya kaayo sa atong guests ug paghimo ana wala pay kamera.”

Kining tanan nga pagpalambo matod ni Arsobispo Valles, “kinahanglan gayod nga himuon aron mapalamabo ang atong apostolado, dili lang ni pagwapo o pagwapa.”