DACS College Sportsfest 2023, malampasong gisaulog sa face to face setup

Pormal nga giablihan ang Davao Association of Catholic Schools (DACS) College SportsFest 2023 alang sa higher education level nga adunay temang Safe, Cohesive, Inclusive Sport for all nga gipahitabo sa Holy Cross of Davao College.

Sumala pa ni Fr. Louis Jasper Alfeche, ang mga sporting event kanunay nagbutang ug mga mithi sa mga atleta. Ang komunidad sa mga eskwelahan ug grupo sa isports kasagarang naggamit niini nga mga mithi isip inspirasyon sa pagpalambo sa mga atleta sa sunod nga henerasyon.

Ang mga partisipanteng eskwelahan mao ang host Holy Cross of Davao College , ADDU, Assumption College of Davao, Assumption College of Nabunturan, Assumption Polytechnic College of Davao Foundation, Gabriel Taborin College of Davao Foundation, Holy Cross College of Calinan, Holy Cross College of Sasa, St. John Paul II College of Davao, ug uban pang mga participating schools.

Dako ang pagpasalamat ni DACS President ug HCDC President Brother Noelvic Deloria sa mga participating schools sa pagtambong niining kalihokan ingon man ang pag host sa HCDC karong tuiga.

Matud pa ni Brother Noelvic Deloria, “ang pagsaulog niining kalihokan usa ka simboliko nga nagpakita nga kita sakop sa usa ka komunidad, usa ka pamilya sa Davao Association of Catholic Schools.”

Tradisyon na sa Davao Association of Catholic Schools (DACS) ang pag-umol sa matag tinun-an dili lang sa academic competence kon dili sa pag-expose kanila sa extra-curricular activities. Kini usab nagtumong sa pagpalambo sa high-intensity, pagpalambo sa pagkamamugnaon, bili sa sportsmanship, ug pagporma sa mga kahanas sa pagpangulo.

Ang mga kalihukan karong tuiga mao ang badminton, basketball, chess, football, futsal, table tennis, taekwondo, sepak takraw, swimming, cultural events, ug volleyball alang sa men ug women divisions.

Ang sports festival molungtad hangtod sa Marso 11. (Jhun Marwel Manzano | HCDC Intern)