86th Araw ng Davao gilunsad pinaagi sa Misa

Pormal nga giablihan Marso 1 ang selebrasyon sa ika-86 nga Araw ng Davao pinaagi sa Misa sa Pagpasalamat sa San Pedro Cathedral nga gipasiugdahan ni Msgr. Paul Cuison.

Nitambong sa misa ang nagkalain-laing department heads ug mga empleyado sa lokal nga panggamhanan. Mapasalamaton sab ang lokal nga panggamhanan sa publiko sa ilang pagkamalig-on ug paghiusa isip usa ka Dabawenyo.

Sa pag-uswag sa modernong medisina ug sa paghimo sa mga bakuna batok sa Covid-19, kita karon makahimo sa pagsaulog sa Araw ng Davao sa face to face setup, uban sa atong mga higala, sa atong mga pamilya, ug sa mga kaubang Dabawenyo. Kung imong susihon ang lista sa mga kalihokan, daghang mga panghitabo ang nagbalik sama sa Mutya ng Dabaw ug ang Parada Dabawenyo. Mobalik usab ang mga konsyerto sa mga banda ug artista.

Ang pagsaulog sa araw ng davao karong tuiga usa ka testamento sa pag-uswag sa syudad sukad kaniadtong milabayng tuiga. (Bro. Ranie Boy Pamplonaa)