Pagkapiniyalan

“Kung ikaw gisaligan sa mga katigayonan aron sa pagdumala niini, gitawag ka nga piniyalan.”

Gipahigayon ang Stewardship Orientation Seminar nga gihimo ang Parish Formators sa St. Mary of the Perpetual Rosary Parish alang sa mga myembro sa Social Communications Committee (SoCCom) sa tagsa tagsa ka Gagmay’ng Kristohanong Katilingban (GKK) niadtong Enero 29, 2023 sa Parish Seminar Hall nga nagsugod sa alas 9:00 sa buntag hangtod sa alas 12:00 sa udto diin kapin 50 ang mitambong.

Dunay duha ka grupo ang Parish Formation team nga maoy nagpaambit sa stewardship orientation.

Ang unang grupo naghisgot ang Konteksto sa Simbahan. Ang pagkapiniyalan pagkinabuhi sa kaamgohan diha sa responsibilidad sa mga gasa nga gitugyan sa Dios. Adunay tulo ka kinaiya ang pagkapiniyalan. (a) Entrustment, pagtugyan sa usa ka Piniyalan sa responsibilidad isip gasa ug panalangin aron matuman diha kaniya ang misyon sa simbahan; (b) Empowerment, gihatagan og gahom sa pagpalambo sa gitugyan kaniya nga bulohaton (Luke 19:11-28). (c) Espousal, walay laing pulong nga maghulagway sa relasyon sa pagtawag sa Ginoo kanato.

Gitawag kita sa Ginoo aron ibalik ang tanang naangkon karon nga mga talento pinaagi sa atong pagserbisyo aron maangkon nato ang pagkahinigugma sa naghigugma. Kung nahigugma ang Ginoo kanato, mahigugma pud kita. Gitagaan ta sa Ginoo og gugma ug nagdani sa mga disipulo sa pagserbisyo sa pagpalawom. (John 15:15).

Ang ikaduhang grupo nipaambit sa Principles of Stewardship.

(a) Life is a gift from God. Iya sa Ginoo ang tibuok kalibotan ug ang tanan nga anaa niini, ang yuta ug ang tanan nga nagpuyo niini (Psalm 24:1).

Ang kinabuhi gasa sa Dios kay niabot lang ug wala gipangayo. Puno kaayo ta sa gasa kay sa pagkatawo pa lang nato naga uban na ang gasa nga gibubo sa Dios. Gihimo sa Dios ang tawo sama sa iyang dagway ug kasamahan (Gen.1:27) tungod sa gugma. Dili kita ang tag-iya sa atong kinabuhi mga Piniyalan lamang kita. Katabang kita sa Dios tungod kay sukad pa sa sabakan ang tahas sa pagdumala sa kalibotan ug pagpalambo alang sa kaayohan sa tanan inubanan sa paningkamot, kay kita kabahin sa simbahan, usa ka pamilya sa Dios;

(b) This is our Identity. We are Stewards, Piniyalan, Tinugyanan, Sinaligan.

(c) We received Immense Gift of Faith. Nadawat nato ang gasa sa pagtoo gikan sa Dios ug kining mga nagkalain-laing gasa atong ipaambit sa nanginahanglan diha sa simbahan. Matod ni Cardinal Tagle, “The gift must continue being a gift. If it is kept to oneself, it ceases to be a gift.” (2Corintians 9:8) ug ang Dios makahimo pagbubo sa tanang grasya nganha kaninyo aron kahatagan ug katagbawan ang tanan ninyong panginahanglan ug makahatag kamo nga madagayaon alang sa tanang maayong buhat.

(d) Stewardship A Spirituality, A Way of Life. Ang pagkamanggihatagon sa pagpaambit sa mga katigayonan, diin kadtong walay bisan usa dili mabiyaan sa espirituhanon ug materyal nga pagatiman. Mao kini ang tinuod nga imahe sa Simbahan.

(e) Channels of God’s Providence to One Another. Ingon nga maayong Piniyalan sa nagkalain-laing gasa sa Dios, nga gamiton sa tagsatagsa ang talagsaong gasa nga iyang nadawat gikan sa Dios alang sa kaayohan sa uban;

(f) A Calling To Serve One Another. Ang pag serbisyo atong himoon diha sa gugma labi na kadtong mga kaigsoonan nga uyamot.

(Clinita Nartea, GKK SoCCom)