Misyon Na Ta!

Niadtong 1866 si Papa Pius IX mihatag sa milagroso nga imahe sa Inahan sa Kanunayng Panabang ngadto sa mga Redemptorists uban sa usa ka marching order nga nagpaila kaniya sa tibuok kalibutan. Sukad niadto, bisan asa moadto ang mga Redemptorist dad-on nila ang imahe sa Mahal nga Birhen ug padayon nga ipakaylap ang debosyon sa atong Bulahan nga Inahan. Sa ingon niana, nalipay ang mga parokyano sa parokya sa Inahan sa Kanunayng Panabang dinhi sa Arkidayosis sa Dabaw sa pagkatukod sa susamang parokya didto sa Maco tungod kini nahimo nang usa ka Diocesan Shrine. Niining bag-ong status sa ilang parokya, ang Redemptorist Community dinhi sa Davao City nakaplano nga magpahigayon ug Icon Mission sa parokya sa Maco, sa Davao de Oro aron matabangan sila nga molawom ang pagsabot sa kasaysayan ug sa kahulogan sa debosyon ngadto sa Inahan sa Kanunayng Panabang. Busa, ang opening salvo sa misyon sa Maco gipahigayon uban sulod sa Santos nga Misa. Ang Icon Mission nagsugod atung Dominggo Pebrero 5, 2023 ug molungtad hangtod sa Domingo sa Pagkabanhaw.

Ang grupo sa misyon gilangkoban sa mga pari sa Redemptorist, mga seminarista ug mga kaubanan nga mga layko. Ang maong grupo ihalad ang ilang kaugalingon sa kinabuhi sa katawhan samtang nagpadayon sila sa pagpakaylap sa debosyon ug pagpahigayon sa promasyon sa mga GKK. Sa diwa sa synodo, kining Icon Mission usa ka hiniusang paningkamot o ebanghelisasyon tali sa Our Mother of Perpetual Help Parish ug Maco Parish diin nagpinirmahay sa mission covenant tali ni Fr. Warren Paramio kura paroko sa Maco ug Fr. Cris Mostajo, Redemptorist rector sa Davao City.

Nagpadayon kami sa pag-ampo alang kanila samtang nagsugod na ang ilang Misyonaryong panaw. (Mary Grace Gonzales | OMPH Soccom)