Mga Pangulo Sa Liturhiya, Nangandam Alang Sa Kuwaresma

Isip pagpangandam sa Panahon sa Kwaresma, ang mga Pangulo sa Liturhiya (PSL) sa Our Lady of Miraculous Medal Parish, nagpahigayon ug duha ka adlaw nga Lenten Renewal Retreat. Ang maong kalihukan nahitabo sa Sunridge Resort, Catigan, Toril, Davao City niadtong Pebrero 10 hangtod sa 11, 2023. 55 ka mga PSL ang misalmot gikan sa nagkalain-laing GKK og kini gipangulohan ni Sem. Julius Lugay nga naghisgot mahitungod sa usa ka Kristiyano nga piniyalan nga adunay lawom nga relasyon sa Dios ug andam nga depensahan ang katolikong pagtoo. Ug kini gipalig-on usab ni Fr. Jess Samaniego, ang kura Paroko pinaagi sa pagsaulog sa Santos nga Misa ug diha sa homiliya nagpahimangno sa mga katungdanan ug mga panig-ingnan sa usa ka PSL. Pebrero 22 ang Sending Forth o Pagpadala atol sa selebrasyon sa Miyerkules sa Badlis. (Marilou A. Luzon & Doris Jane C. Leaño | OLMMP SocCom)