Kabililhon Sa Pamilya

“Busa dili angay’ng bulagon sa tawo ang gihiusa sa Dios.” – Markos 10:9

Ang sakramento sa kasal usa sa pinakaimportanteng higayon sa kinabuhi sa managtiayon. Kini ang pamaagi aron mahimong legal ang panag-ipon sa usa ka lalaki ug usa ka babaye.

Tungod niini, ang Our Mother of Perpetual Help Parish nagpahigayon ug Kasalang Bayan atol sa selebrasyon sa Valentine’s Day sa Redemptorist Church sa alas 3 sa hapon. Ang nagkasal kanila mao ang kura paroko nga si Rev. Fr. Cris Mostajo, CSsR kauban si Rev. Fr. Joey Trillo, CssR.

Anaa sa 29 ka mga paresan apil na ang usa ka magtiayon nga senior citizen ang dungan nga misaad ug nanumpa atubangan sa Dios nga maghigugmaay. Mapasalamaton ang kura paroko sa mga magtiayon kinsa mitubag sa tawag sa Ginoo. Dungan niining bulan sa Kinabuhi kon Pro-life month, buhi gayud ang pagpamatuod sa kabililhon sa pamilya diin magsugod ang gugma. (Mary Grace Gonzales | OMPH SoCCom)