Kaayohan Pinaagi sa mga Sakramento

Adlawng Sabado, Pebrero 11, 2023, Gisaulog sa tibuok simbahan ang kapistahan sa Birhen Maria sa Lourdes. Sa espesyal nga paagi gisaulog usab ang World Day of the Sick kon Adlaw sa tanang mga Masakiton. Sa parokya sa San Roque-Malabog, gipangulohan sa kura paroko nga si Rev. Fr. Arnold Balaquinto ang pagpakumpisal og sakramento sa pagdihog. Ang makakumpisal dunay responsibilidad og pangandoy sa kausaban sa kaugalingon.

Alas 10:30 sa buntag, gisugdan ang Santos nga Misa og diha sa iyang homiliya siya naghisgot nga adtong adlawa, adlaw ni Santa Maria, Birhen sa Lourdes. Atong iampo sa Birhen sa Lourdes nga ang tanang naay balatian nato nga mga kaigsoonan iyang pagaayohon.

Kitang tanan adunay mga balatian, dili lamang sa pisikal kondili sa espiritwal. Hinumdoman nato, ang lawas masakit, ang lawas maluya, ang lawas madugta, ang lawas mawala apan ang espiritu magpabilin kay kini man ang makig-atubang sa Ginoo. Ang kaayohan sa atong kalag.

Ang tanang kaigsoonan nga naay mga balatian o wala nakadawat sa Sakramento sa Pagkalawat og ang tanan nakadawat sa Sakramento sa Pagdihog.

Paghuman sa Santos nga Misa nagtigom ang tanang ministriya sa SoCCom sa Seminar House alang sa binulan nga pormasyon inubanan sa kura paroko isip coordinator. Kini sila ang bag-ong mga gitahasan sulod sa ministriya sa Social Communications: Asst. SoCCom Coordinator: Noralyn Largo, Secretary: Arlene Tarnate, Treasurer: Elma Tindoy og zone coordinators sa 11 ka sona. Naghisgot usab alang sa pagpadayon sa kalamboan sa maong ministriya. Malipayon nga nagkatigom ang tanan sa pagpaniudto.

Uban sa pangama sa kanunay’ng panabang sa atong inahan nga si Santa Maria, nga ang kahupayan sa atong mga balatian maangkon unta nato ang kaayohan sa lawas og kalag. (Noralyn Largo)