Happy-Go-Lucky!

Dear Ate Emz,

Ang akong istorya mahitungod kini sa akong kinaiya nga unta mausab na. Kining akong pagka happy-go-lucky. Wala pa akoy konkreto nga plano sa kinabuhi basta ang akoa i-enjoy ang matag higayon sa akong kinabuhi. Live life to the fullest. Privileged kaayo ako kay dunay mga circle of friends nga dunay kaya sa kinabuhi so maski asa kami maabot ug laag. Mabuhat namo ang among gustong buhaton kay lagi money is not a problem. Dili sa ingon nga nagsalig kami sa among mga ginikanan kundili mga young professionals na sab kaming magbarkada. Duna kami mga kanya-kanyang trabaho. Walay mga bug-at nga responsibilidad kay lagi mga single pa.

Akong namatikdan ug bisan sa kalipay nga anaa ang barkada. Mga enjoyment kauban sila temporaryo ra ug mubo nga dunay kinutuban. Kalipay nga kalibutan-hon. Usahay pa gani musobra na sa limitation ug musulay sa mga extremes. Dili ko na lang usa-usahon kung unsa kining mga butanga. Taud-taud sab nga ako nahigmata sa kamatooran nga dili sa tanang panahon ingon ani na lang pirmi. Oras na siguro nga akong usbon ang routine sa akong kinabuhi. 35 anyos na ako ug dili ko na hulaton nga muabot pa ug pipila ka mga katuigan ayha na ako mag bag-o. Husto na ang akong na experience nga maka ingon ako ug been there done that.

Unsa man ang mga pasi-unang lakang aron ma bag-o nako ang path nga akong pagalaktan. Siyempre manibago gyud ako sa akong naandan. Akong mga higala basin unya ug matingala na lahi na man ang akong naandan.

Gusto nako nga mamahimong bililhon ang akong kinabuhi ug dili kalas-kalasan sa mga walay hinungdan. Dili sab ako buot nga mu abot pa sa sitwasyon nga akoa lang kamahayan.

Hinaut pa unta,
Jimwel

* * * * * *

Dear Jimwel,

Usa ka sa mga bulahan nga tawo dinhing kalibutan. Praise and thank God you are blessed with a comfortable life and friends with whom you enjoy doing this. Ug labaw sa tanan, salamat sa pag giya sa Dios Espiritu Santo nga naka realize ka bahin sa tumong sa imong kinabuhi. It’s true, we have to live life to the fullest…apan dili kini buot pasabot nga puro na lang enjoy-enjoy ang pag “live to the fullest” nga imong giingon. Living life to the fullest means you are productive, you have served others, made life better not only for yourself but for others as well…all for the love of God who has given you all these blessings that you are enjoying right now. Sa daghang higayon akong nahisgutan nga ang tinuod nga kalipay dili maangkon bisan pa daghan ka ug kwarta ug mga kabtangan. Imo nang nasinati karon nga ang kalibutanhong kalipay dili gyud kini makapuno sa kahaw-ang sa imong kaugalingon.

Sa imong pangidaron nga 35 anyos, kabahin kini sa kinabuhi nga moabot gyud ang panahon nga makapangutana ka sa imong kaugalingon, “ngano nia man ko aning kalibutan? Unsa man ang akong tumong? Para asa man kining tanang paningkamot? Asa man ko padulong ani?” Dili ka na mahimutang labi na kung nakaamgo ka nga wala na diay ka nagkabata ug paspas kaayo ang dagan sa panahon.

Kung wala naka han-ay ug na klaro ang imong mga plano sa kinabuhi, you merely existed, not really lived. Salamat tungod nahigmata ka na ug nakadesisyon nga usbon na ang imong dalan sa kinabuhi. Ug syempre dili katingad-an nga ang imong mga higala matingala kung unsa ang naabot kanimo nga nagbag-o ka sa direksyon sa imong panaw sa kinabuhi. Magkinahanglan kini og daghang pakigbisog sa pagbiya sa imong naandan nga buhaton.

Nakapangutana ka kung “unsa man ang mga pasi-unang lakang aron ma bag-o nako ang path nga akong paga laktan?” Una sa tanan kinahanglan nga adunay lig-on nga determinasyon sa imong pagbag-o. Jot down what you want to do with your life and where you want to go. Define your goals and enumerate ways on how you will get there. And surely this implies a change of lifestyle. What are the things that you plan to start doing, continue doing, and to stop doing? Make an inventory of your 3 T’s (TIME, TALENT, TREASURE) and put all these gifts at the service of others, each in the measure you have received. Only then, will you find meaning in this journey of yours. Remember what Mother Teresa of Calcutta said, “a life not lived for others is not a life” Hence, if you think you did not have a “life” for the past 35 years, then begin to LIVE from this day forward, it is never too late to do so. Tingali kinahanglan nimo ang usa ka bag-ong grupo sa mga higala pinaagi sa pag-apil sa mga organisasyon sa mga volunteers o pundok sa mga nagserbisyo sa inyong Parokya. Mahimo sab nga pinaagi nimo, madani ang imong mga orihinal nga mga higala nga mosunod sa kinabuhing pagbag-o. Hinuon, usa gyud kini ka hagit kanimo nga mahimong instrumento sa Ginoo aron madala nimo sila sa bag-ong dalan nga imong ginasubay.

Labaw sa tanan, magpabilin nga konektado sa Ginoo sa tanang panahon ug panalanginan Niya ang matag lakang nga imong himuon. Hinaot nga mahimo kang malampuson sa imong mga bag-ong endeavors alang sa pagserbisyo sa atong Makagagahom.

God bless you more,
Ate Emz`