Gitawag ang tanan sa pagpakig-uban

Pebrero 11, 2023 adlaw’ng Sabado, ang pagsaulog sa Kapistahan sa Nuestra Sra. sa Lourdes mao usab kini ang adlaw nga gitawag nga “World Day of the Sick.”

Mapasalamaton ang tanan sa Ginoo nga nakadawat ang tanan sa kaayohan pinaagi sa mga sakramento. Makatandog ang talan-awon nga kadtong mga dunay sakit nagpadayon sa pagkamalaumon sa ilang kaayohan.

Ang Santo Papa Francisco miingon: nga ang World Day of the Sick nagtawag kanato sa pag-ampo, mahisuod ngadto sa mga nag-antos, usa ka tumong sa pagpataas sa kaamgohan sa Katawhan sa Dios, panglawas na institusyon ug sibil nga katilingban diha sa pagtamod sa bag-ong lakang diha sa pakig-uban.

Mapasalamaton ang tanan kay Rev. Fr. Romeo Coronel, OSA nga maoy nagsaulog sa Santos nga Misa inubanan nila Fr. Dionisio Tabiliran, Fr. Boy Roland Ong ug sa mga GKK Servant Leaders, volunteers ilabina ang Ministriya sa Pag-alagad ug uban nga nagpaambit sa ilang panahon niining selebrasyon sa St. Mary of the Perpetual Rosary Parish, Buhangin.

Viva Maria! Viva Hesus!

(Maria Dexie Calvo, GKK SoCCom)