DCM 2023 Nagkaduol Na

Nagkaduol na gayod ang tapok sa mga pari sa tanang dayosis dinhi sa tibuok Mindanao nga mao ang DCM 2023. Kining tinuig nga pagpulong sa mga kaparian o mga clergy sa pinakadako nga isla sa Pilipinas, ang Mindanao.

Gilaoman nga muabot kapin libo ang mga delegado nga muabot sa dakbayan sa Mati karong umaabot nga Pebrero 14 hangtod sa 16 alang sa panagtapok sa mga kaparian. Tungod kay nagkaduol naman kini, gipahigayon sa Social Communications ug Promotions Committee ang ilang meeting alang sa mga finalizations niadtong Enero 25, adlawng Miyerkules sa Diocesan Clergy House sa Mati.

Niabot sa pulo ka mga tawo ang miapil sa maong meeting ug gani miadto pa sa venue kung asa ang event pagahitabuon aron maseguro ang mga plano.

Atangan sa mga delegado ang maanindot nga photo booth kung diin sila mamahimong maka kuha ug litrato uban sa mga kaparian isip souvenir. Ug usab kining event sulod sa tulo ka adlaw, dayon-dayong makita ug naay lab-as nga mga updates sa social media accounts sa dayosis ug usab sa radio sa DXHM/DXDV ug Spirit FM 97.5

Sa pipila ka adlaw masinati ang malaumong kasadya pagkahuman sa pandemya ug kini atong masayran sa atong mga sibyaanan.