Enlarge the Space of your Tent (Is 54:2)

Ang dokumento nga giulohan og “Enlarge the Space of your Tent,” gihimo sa unang hugna sa sinodo, nag-awhag sa mga lideres sa Katolikong Simbahan nga tagdon ang mga panawagan alang sa usa ka labing maabi-abihon nga Simbahan.

Gipangayo niini ang pagsagop sa usa ka synodal nga paradigm sa pagpaminaw nga mainampoon ug paghimo og mga desisyon human sa mainampingong pagkonsiderar, nga adunay dako nga epekto sa pagdumala sa Simbahan.

Ang Working Document para sa Continental Stage mao ang resulta sa Synthesis nga naugmad pinaagi sa hugna sa unang proseso nga naglakip sa pagkonsulta sa Katawhan sa Dios. Kini gamiton isip giya sa nagpadayon nga proseso sa continental synod sa simbahan.

Gilauman nga kini nga teksto maghatag og dalan sa komunikasyon ug dayalogo tali sa Unibersal ug sa lokal nga Simbahan.

Busa dili kini usa ka sumada, usa ka magisterial nga dokumento, usa ka rekord sa lokal nga mga kasinatian, usa ka sociological analysis o usa ka manwal alang sa pagkab-ot sa pipila ka piho nga mga tumong. Gidisenyo kini duyog sa paglabay sa panahon samtang ang Katawhan sa Dios naghisgot ug nagpaambitay sa mga sulud niini.

Ang dokumento naghatag og gibug-aton sa kamahinungdanon sa paghatag og igong mga pormasyon sa pagpanalipod ug pag-abiabi alang sa mga pari nga nakalapas sa panaad sa Celibacy ug ilang mga anak apil nasab ang inahan, kinsa nameligro nga makasinati og grabeng inhustisya ug diskriminasyon tungod niini nga sitwasyon.

Daghang mga tawo, lakip na ang mga nagdiborsyo ug nagminyo pag-usab, kadtong nag-inusarang nagpadako sa mga anak, kadtong anaa sa polygamous nga mga relasyon, ug mga myembro sa LGBTQ nga komunidad, nagtinguha nga dawaton tungod kay nakasinati sila og panagsumpaki tali sa ilang pagkamyembro sa simbahan ug sa mga relasyon nga ilang naporma sa uban.

Ang mga kasinatian sa mga nahimulag sa katilingbang Kristohanong susama kaayo sa tibuok kontinente, bisan pa sa klaro nga mga kalainan sa kultura.

Dugang pa, bisan pa sa kamatuoran nga mga babaye ang kadaghanan sa mga myembro sa Simbahan bahin sa pagtambong sa liturhiya ug pag-apil sa mga kalihokan, mga lalaki ang nagpadayon sa paghupot sa kadaghanan sa mga posisyon sa pagpangulo ug pagdumala sa Simbahan. Ang Simbahan klaro nga kinahanglan nga maghunahuna kung giunsa ang pag-apil sa daghang mga lalaki ug kung giunsa paghatag sa mga babaye sa susamang oportunidad sa pagpangulo sa simbahan.

Ang mga baldado usab nagtaho nga gibati nila nga wala sila giapil ug gitagaan sa bili. Gipasiugda usab sa Dokumento ang isyu sa sistematikong pinugos nga pagkakabig sa ubang mga relihiyon nga giatubang sa mga Kristiyano, labi na sa mga batan-on, sa pipila ka mga nasud, ug ang pagsaksi sa pagtuo nabuhi hangtod sa punto sa pagkamartir sa ingon nga mga lugar.

Gihatagan usab og gibug-aton sa Dokumento ang Dedikasyon sa Katawhan sa Dios sa pagpanalipod sa mga huyang ug nameligrong mga porma sa kinabuhi sa matag yugto sa kalamboan. (Bro. Angelo Espinas)