Synodo sa Adbyento

Ang pagtapos sa Solemnidad sa Kristong Hari mao usab ang pagsugod sa panahon sa Adbyento. Kini usa ka panahon diin kita magdakgot og mga kandila timailhan sa pagsugod sa panaw padulong sa Pasko ug kining mga kandila nagsimbolo sa paglaom, kalinaw, kalipay, ug gugma. Adunay upat ka managlahing kahulogan ang matag kandila, apan kining tanan paingon sa samang dapit, sa sentro sa selebrasyon, si Hesu-Kristo.

Sama nga ang karon nga sinodo nagpahinumdom kanato sa panginahanglan sa paglakaw nga magkauban, pagpaminaway sa usag usa, aktibong pag-apil sa kinabuhi sa Simbahan, ug pagtutok sa Dakong Sugo, mao usab kini nagpahinumdom kanato nga ang matag myembro sa atong Simbahan mahinungdanon.

Diha sa Panahon sa Adbyento kitang tanan nangandam ug sa atong pagpangandam wala kita mag-inusara, kanunay anaa ang hagit nga manawag sa atong mga kaigsuonan aron nga kitang tanan duyog sa usa ka panaw. Dili kini mahitungod sa pagpili og bag-ong sinina o pagkolekta og mga regalo; mahitungod kini sa pag-andam sa atong kasingkasing, hunahuna, ug kalag sa pagsaulog sa pagkatawo ni Hesukristo.

Importante nga hinumdoman nga ang Simbahan nagpabilin sa pagpaminaw gikan sa mga myembro niini ug gusto nga makahibalo og dugang mahitungod sa ilang mga kasinatian, mga panglantaw, ug mga sugyot sa paghimo sa Kristohanong kinabuhi nga mas magantihon.

Pagsugod sa usa ka desente nga pagkumpisal ug pagpadayon sa espirituhanon nga pagbasa, pagpamalandong, ug mga buhat sa pagkamabination sama sa pagtabang sa mga kabos ug mga nanginahanglan, paghupay sa mga namatyan, ug pagbinayloay sa mga nakasala kanato tanan hinungdanon nga mga bahin sa kini nga espirituhanon nga kalihokan.

Samtang kita magdagkot og mga kandila sa pagsimba, mas dako nga siga sa kalayo ang magdilaab sulod kanato; kini mao ang kahayag sa Dios, diin kita gitahasan sa pagpakaylap sa atong mga kasilinganan ug komunidad tungod kay ang Dios misulod sa atong mga kinabuhi sa usa ka personal nga lebel. (Bro. Angelo Espinas)