Laag with a Cause

Dear Ate Emz,

Akong ipaambit ang akong kasinatian nga mahitungod sa akong pundok nga gikalambigitan. Myembro ako sa usa ka grupo sa mga motorista. Ang usa sa among katuyuan kining pag joy rides, adto sa mga lugar nga among gustong adtoan. Nindot nga kasinatian kay makalingaw ug sulit gayud bisan hago. Maadtoan namo ang mga lugar nga sa kaniadto sa picture lang namo makita.

Pero ang pinaka kinauyokan sa tinguha niining pundok mao ang paghatod ug mga hinabang, suporta sa mga charitable nga kalihokan ug kining kampanya sa safety nga pagmaneho. Wala ako nasayop sa akong giapilang pundok kay bisan duna mi mga kaubanan nga nindot og unit, wala silay pagpakabana niini kundili ang importante ang respect, understanding, unity and camaraderie, pagtabang sa mga nanginahanglan. Equal ang pagtratar sa usag-usa.

Hinaot nga magpadayon ang maayoong tumong ug tinguha sa among pundok aron daghan pa ang among matabangan. Maka ingganyo ug daghan pa sa mga maayong buhat ug mapalapnag ang kahiusahan. Dili unta magamit sa sariling interest ug gamiton sa mga opurtunista nga ma impluwensiyahan sa mga tawo nga naghandom nga magka posisyon sa pang-gamhanan.

Ginoo panalipdi ang among pundok,
Jello

* * * * * *

Dear Jello,

Salamat sa makapadasig nga kasinatian nga imong gipaambit. Pinaagi niini malamdagan ang panglantaw sa uban bahin sa mga motorcycle riders sama sa inyong pundok. Kasagaran man gud, kung naa kita’y masaksihan nga moagi sa dalan ang sunod sunod nga mga riders, with complete and sophisticated gears at that, makahunong kita kadyot o makalingi kita sa ilaha tungod kay makatawag pansin man gud sila. Usahay sab makaingon kita “ang yayabang nilang mga nakamotorsiklo!” Busa, sa imong gipaambit nga kasinatian, makaingon kita nga naa pud diay mahinungdanong tumong ang ubang mga pundok, ug dili lang diay nagpasikat sa ilang pagjoyride. Pasayloa ang maling akala!

Dili kalikayan nga makaingon kita nga kadto lang ang mga financially well-off ang mamahimong myembro sa pundok tungod sila lang ang maka afford nga makaangkon ug motorcycle. However, it is worth noting that, as you mentioned, naay inyong mga kauban nga mas nindot ug mahalon ang ilang units apan dili kini big deal sa ilaha. Hinoon, ang matag-usa managsama ang pagtagad, bisan pa unsa kanindot ang ilang unit, ug mas gihatagan og labing importanteng pagtagad ang respeto, pagsinabtanay, panaghiusa o maayong panaghigalaay, ug ang pagtinabangay! Dili ba kini dalaygon? Bitaw, bisag unsa nga organisasyon ang giapilan, HUMILITY is the key, aron maka focus ang tanan sa TAO…sa mga myembro— ug sa inyong kabahin, dili sa pagpagwapohay og unit. Ang pag panag-iya og motorcycle usa lang ka instrumento aron makatabang sa uban ug mabuhat ninyo ang inyong misyon. Remember to put your gifts at the service of one another.

Labaw sa tanan, salamat nga nagpasiugda ang inyong pundok sa kaluwasan sa dalan alang sa mga motorcycle riders sama sa inyong organisasyon. (I also learned from a certain rider that they upgrade themselves through seminars in order to enhance their mastery of skills involved in riding big bikes especially safety on the road.) Apan ang labing dalaygon sa tanan mao ang inyong adbokasiya nga suportahan kadtong mga charitable organizations nga motubag sa mga panginahanglanon sa uban ilabina sa panahon sa kalamidad ug uban pang mga katalagman.

Be the LIGHT of the world. Ngitngit na ang kalibutan sa mga biktima sa kalamidad og mga aksidente. Pinaagi sa inyong adbokasiya gidala ninyo ang kahayag ug paglaom sa ilang kinabuhi.
Tungod daghang gasa ang inyong gipaambit, mas labaw pang kadaghan ang mobalik dinha kaninyo.

Ang panahon sa Pasko mao ang panahon sa pagpaambit og mga gasa bisag unsa man kini… panahon, talento o bahandi. Remember everyone is gifted to give. Mamahimo nga kining inyong adbokasiya mao ang inyong labing mahinungdanong regalo alang sa atong Manluluwas nga sumbanan sa pagkamapaubsanon.

Indeed, as you desire, may your tribe increase, aron mas daghan pa ang inyong matabangan. Nagtoo ako nga sa inyong mga maayong buhat, daghan pa ang ma inspire ug ma encourage nga magserbisyo alang sa uban, gamit ang usa ka instrumento/sakyanan sa pagbyahe aron mapadali ang paghatod sa mga gasa ngadto kanila. At the same time naga-enjoy sab sa pagbyahe. This makes you cheerful givers, and remember, God loves a cheerful giver!

Take care, and stay safe in your travels, praying that Mama Mary, our Lady of the Way will always protect you and keep you all safe under her mantle. Makasalig ka nga ang Ginoo magpanalipod gyud sa inyong pundok ug dili gyud mo pasagdan!

Have a joyful and meaningful celebration of Christ’s birth, as you continue to share your giftedness to others.

God bless you more,
Ate Emz