Ika-60 Araw Ng Malabog

Ang kasaulogan gisugdan sa Santos nga Misa sa alas 7:30 sa buntag sa San Roque Parish, Malabog nga gipangulohan sa kura Paruko nga si Rev. Father Arnold Balaquinto. Ang iyang pamalandong naghisgot sa Tema sa kapistahan sa Barangay Malabog nga: “ANG KALINAW UG KAHIUSAHAN ATONG PUY-AN ALANG SA MALAHUTAYONG KALAMBOAN”.

Sulod sa santos nga misa, gitagaan sa kahigayonan nga magpasalamat ang Kapitan nga si Jessielito Areja dinha kang Past Presidente Duterte ug sa iyang anak nga Si VP Sara Duterte nga naangkon ang kalinaw sa Paquibato, siya nagpasalamat pod sa mga myembro sa Barangay Council ug sa tanang katawhan nga nagtinabangay alang sa malampusong selebrasyon. Dungag pa niya “bisag unsa man atong relihiyon ang pagluhod ug pag-ampo ang susi aron maangkon ang atong pangandoy.”

Human sa Misa gisugdan dayon ang Parade gikan sa San Roque Parish, Malabog padulong sa Malabog Gym. Gisalmotan kini sa mga AFP, PNP, business sector, cooperatives, USEP Malabog students and teachers, Ata Tribal Council, City Health Office, transport sector, religious sector ug sa Panulawan Integrated school. Dayon gisugdan ang City Government Caravan, kung diin daghang mga lumulopyo sa barangay ang nakadawat sa mga serbisyo labi na sa City Health, Philhealth, City Treasurer Office, CCDO, EBSU STEP, City Legal, LCR, OSCA , City Vet, City Agriculture ug mga ubang serbisyo sa mga City Councilors sa Davao ug labaw sa tanan ang pagdawat ni Mayor Baste Duterte sa mga katawhan nga mipasibaw sa ilang nga problema. (Imelda C. Overiz | SRP- Malabog SoCCom)