Bitik Sa Tentasyon

Dear Ate Emz,

Maayong adlaw sa tanan. Dugay na unta nako gusto nga ipaambiit ang akong kwento ng ordinaryong tao apan karon lang gyud ko nakaagom og kaisog nga ma share kini. Nagtoo ako nga sa kinabuhi makasinati kita ug sitwasyon diin ang atong kinaiya masukod. Makapangutana kita kung sakto ba ang atong depensa ug andam ba ang atong kaugalingon sa pagpanalipod niini.

Dunay mga pipila ka higayon nga mahulog kita sa trap sa temptation. Butang nga nasayod ako nga sukwahi apan akoa gihapon gitugutang mahitabo hangtud nga murag normal ko na lang kini nga ginabuhat. Dili ko na lang i-detalye kung unsa kini alang sa akong privacy. Unta inyo akong masabtan. Mawala na ang akong pagkabalaka sa matag ako kining himoon ug buhaton, unya dili madugay akoa kining kamahayan.

Human milabay ang mga panahon ug adunay higayon, mao gihapon, usbon ug gapadayon. Makaingon ako ug huyang kaayo ang akong depensa sa matag anaa ang temptation. Unsa may akong himoon, kay lagi kung unsay weakness didto ka ig-on.

Daghang salamat sa higayon nga inyong gihatag sa akong pagpaambit,
Mond

* * * * * *

Dear Mond,

Matag usa kanato adunay kaugalingong kahuyang ug walay exempted niini. Agree ako sa imong paghisgot nga kanunay kitang gipailalom sa mga pagsulay ug dinhi gyud masukod ang atong katakus nga mabuntog kini.

Ang tentasyon maoy usa niining mga pagsulay nga atong gisagubang. Kanunay kita matintal sa pagbuhat og sala. That is why in one of our prayers, we always ask God to “lead us not into temptation but deliver us from evil…” Are we even mindful of these words as we pray the Lord’s Prayer?

Nahinummdom ko sa usa sa amoang mga magtutudlo sa college kaniadto nga nagsulti kanamo nga ang tentasyon usa lang ka tentasyon hangtud ni give in ka. Sa imong kabahin, Mond, murag kasagaran sa higayon, nag give in ka. Ug kini nagpahiwatig nga murag huyang pa ang imong kaugalingon sa pagbuntog niining imong nahisgutan nga tentasyon kung moabot kanimo. Ug sa kanunay nimong give in, sumala kanimo, “nahimo na kini nga murag normal nga buhat”.

Sa laing bahin, kung imong pamalandungan, magpasalamat lang gihapon ka tungod aduna ka pa’y gamayng tingog nga madungog aron masinati nimo, sa dili madugay, ang pagmahay. Buot pasabot, naa pa gyud ang imong konsensiya nga nagpahinumdom kanimo nga nakalapas ug nakasala na gyud ka tungod nag give in ka na! Apan murag gipadaplin lang kining tingog sa konsensiya hangtod nahimo na nga kining buhat murag naa nay kontrol sa imoha, ug nahimo na kini nga habit sa imong kabahin. Mao nga subo kaayo paminawon kini nga kahimtang.

“Huyang kaayo ang akong depensa sa matag naa ang tentasyon”, mga pulong nimo nga nagpadayag sa imong pagdawat niini nga kahuyang. Ang maong pagdawat sa imong kahuyang, lakang na sa mga pamaagi nga imong mabuhat aron masagubang ang tentasyon. Unsaon nimo pagbatok niini? Una sa tanan, kinahanglan nga mogawas dayon ka sa sitwasyon nga makatintal kanimo. Adunay panultihon nga “out of sight, out of mind” (ang dili makita, wala sa hunahuna.) Importante gyud ang paglikay na lang gyud daan sa mga okasyon diin duol kaayo ang tentasyon. Mao nga kinahanglan gyud ka molihok dayon ug ayaw gyud paglangan-langan.

Idleness is the workshop of the devil. Busa, paningkamot nga mahimong busy ang imong kaugalingon aron dili makasingit ang yawa sa iyang mga dautang plano kanimo. Mahimong mag-imagine ka sa imong kaugalingon nga nisukol sa tentasyon ug na overcome na nimo kini, kung giunsa nimo pagdumili, kung giunsa nimo pagbuntog niini. Unsa kaha ang mahitabo kung buhaton nimo kining mga pagsukol? What are the consequences?

PRAY that you may not enter into temptation. Cultivate God’s presence in prayer. Hinumdomi nga ang pag-ampo mao lamang ang atong kusog, busa, mag-ampo gyud aron dili ka madala sa panulay! Tinuod, usa gyud ka pakigbisog ang pagsukol sa tentasyon apan kon motawag ka sa ngalan ni Hesus, hatagan ka niya sa gikinahanglang kusog to win this battle. Sumala sa imong gihisgutan, “kung unsay weakness, didto ka ig-on”..apan kung imong mabuntog kining “weakness”, it will become your strength, for God assures us that power is made perfect in weakness (2Cor 12:9). Dugang pa niini, atimana ang imong kaugalingon sa Pulong sa Ginoo. Tipigi kini sa imong kasingkasing sa dili pa ikaw matintal, aron maangkon nimo kini sa panahon nga imo kini gikinahanglan. Remember God’s promise, “When he calls, I shall answer “I am with you”; I will save him in distress …I shall let him see my saving power”. (Psalm 90 13-14)

Karong adlawa malipayon natong gisaulog ang pagkatawo sa atong Ginoong Hesus. Dawata siya sa imong nabag-o nga kasingkasing ug tugoti siya nga mopuyo dinha sa imong tibuok kinabuhi matag adlaw. Mahimo kini nga imong pinakamahinugdanong regalo sa iyang pag-abot!

May the blessings of Christmas… love, faith, peace, and joy be yours, together with your family and loved ones, to cherish and share from this day forward.

God bless you more,
Ate Emz