OLMMP – Formation Team, Gipaambit ang “Primer on Stewardship”

Usa ka pagtimbaya kay Fr. Jesus H. Samaniego, Kura Paroko sa Our Lady of Miraculous Medal Parish, Indangan Davao City, tungod pinaagi sa iyang giya, direksyon ug determinasyon, malampusong napahigayon ang pagpaambit sa “Primer of Stewardship” ngadto sa 32 ka GKK nga sakop sa maong parokya. Ang maong kalihukan gusugdan niadtong Agosto 25, 2022 ug nahuman usab kini niadtong Nobyembre 5, 2022 tungod sa bug-os nga puwersa sa Formation Team Ministry nga gipanguluhan ni Sis Elizabeth S. Ronolo.

Sa maong GKK Visitation, adunay tulo ka nagpaluyo nga katuyoan. Una, ang Panaw-Duaw sa Mahal nga Patron, Our Lady of Miraculous Medal. Ikaduha, Pagpadayag sa mga Parish Formators mahitungod sa Primer on Stewardship. Ug ang Ikatulo, mao ang State of the Parish ilabi na sa Construction Report ni Fr. Samaniego panahon sa iyang homiliya.

Uban sa panghinaut nga ang tanang paningkamot ug katuyuan sa maong kalihukan maghatag sa mga parokyano ug dugang kadasig sa Pagkapiniyalan sa talento, bahandi ug panahon diha sa Simbahan.

Busa kinasing-kasing nga gipasalamatan sa OLMMP Formation Team ang 32 ka GKK sa pagdawat ug pag-abi-abi sa mga miyembro ug GKK Servant Leaders (GSL) nga maoy nanguna sa pagpangandam. Nahimo kining posible, mabungahon ug malampuson tungod sa grasya sa pagkamanggihatagon.

Dalaygon ang Diyos!

(Marilou A Luzon, SocCom-OLMMP)