Naningkamot Sa Pagkapiniyalan

Ang solemne nga kapistahan sa Birhen sa Fatima nagsugod sa santos nga rosaryo sayo sa kabuntagon, dayon ang paghalad ug mga awit ug mga bulak ngadto kang Birhen Maria. Niadtong Oktubre 13 adlawng Hwebes, gipahigayon ang Pontifical Mass alang sa ika-70 nga kapistahan sa parokya sa Our Lady of Fatima sa alas nwebe sa buntag. Ang kapistahan dunay tema nga, “Birhen Maria, Panig-ingnan sa katawhan sa Maayong Pagkapiniyalan sa Dios.”

Adtong adlawa makita gayod ang kauhaw sa mga katawhan sa mga dinagko nga panagtapok. Kini nga kamingaw buhat sa mga restrictions tungod sa pandemya. Ang parokya ug ang nagkadaiyang mga ministriya nga nagpaluyo niini dako ang pasalamat tungod nagmalampuson ang mga katikaran nga ilang gipahigayon sama sa, medical mission, legal consultation ug spiritual counseling.

Dakong tabang kini alang sa mga parokyano tungod ubay-ubay pud ang maglisud ug bayad sa mga professional fee tungod kini mahal kaayo. Ang pagkapiniyalan subay diha sa tema ug sa panig-ingnan ni Birhen Maria napakita gyud sa mga piniyalan sa simbahan.