Si Maria Nag-uban Kanato sa Pagdawat sa Dakong Grasya nga mao si Hesus

(Excerpts from the Homily of Most Reverend Romulo G. Valles, D.D., on the 74th Parochial Fiesta Celebration of Sto. Rosario Parish, Toril, Davao City, October 7, 2022.)

Ingon nila nga ang pagbisita sa Obispo, ang pag-anha sa Obispo usa sa mga tuyo niana sa simbahan, mao nga ang iyang pag-uban, pag-anha sa mga tawo maka palig-on, maka-affirm, maka-confirm, makapadasig, makapalig-on, makapalambo sa pagtuo sa katawhan, mao na iyang role muanha siya para mabuhi, mainit ug sa Bol-anon pa maikag, enthusiastic atong pagtuo maoy trabaho niya. Ambot kung mao bay resulta sa paganhi nako ha, pero muingon ako nga paganhi nako sa Toril murag nabali. Imbis nga ako ang ingon nila ang makapadasig kaninyo, sugod palang sa misa karon kamo may nakapadasig kanako, ah salamat kaayo salamat tungod kay… karon working day tingtrabaho karon, dako ang simbahan sa Toril pero ania karon puno mutan-aw ko mga batan-on, mga young couples, mga bata, mga nanimahong Efficacent Oil, mga GKK leaders, sigurado ko mga catechists, mga PSK, mga family and life ministries, mga youth ministries ug uban pang kalihokan sa parokya, sigurado ko naay mga barangay officials, naay mga madre nanganhi… akoy nadasig, akoy nalig-on, naa pay inyong kinantahan nga world class grabe ang atong choir maka paulbo sa kasing-kasing unya bantayan usa ni sa asset, usa ka resource usa ka nindot nga butang, nindot nga sign kung unsa ka nindot ang parokya sa Toril. Nitan-aw ko sa choir bantayi dili lang ni selected, elite kaayo ba, mutan-aw ko sa mga gitara…pagkanindot ..akong tan-aw ba gikan nato, mao na nindot kaayo ilang mga kanta murag gikan sa kasing-kasing gyod. Ang akong pagtuo sa Ginoo, debosyon sa Mahal nga Birhen ang akong pagsalig sa simbahan akong pagsalig sa katawhan sa Dios nga kamo mao kana, murag nabuhi karon. Happy Fiesta, salamat kaayo karong adlawa!

Unsa akong pasiuna, di pud nako inimbento lang ang nindot nga pasiuna gikan sa first prayer, ang ngalan niini sa prayer sa simbahan, collect, ginganlan kanag collect kay summary, sumada, koleksyon sa atong prayer, mao tuy tono sa atong panagtigom karon inspired by our devotion to Mama Mary. Kining murag sumada sa atong tinguha karong adlawa “ibubo kanamo Ginoo, ang imong grasya, aron sa among pagkasayod sa pagkatawo ni Kristo nga imong anak, madala unta kami tungod sa pangaliya sa Mahal nga Birhen Maria nganha sa himaya sa pagkabanhaw.”

Ultima sumada we want to go to heaven and the way to go to heaven, to the resurrection mao si Hesus ug nahitabo nga si Hesus mianhi kanato, atong dalan tungod lagi sa Mahal nga Birhen niingon siya, “oo matuman dinhi kanako ang imong gisulti Ginoo”. Busa ibubo ang maong grasya nga makasulod kami sa pagkabanhaw. Nganong pwede ang pagkabanhaw? Niingon ang pag-ampo karon, ipahinumdom kanamo nga pwede ang pagkabanhaw tungod sa pagpasakit ug pagkabanhaw sa anak ni Maria anak sa Dios.. Ayaw kalimot kon mo-debosyon kita karon, ang nindot nga larawan sa krus, kadtong si Maria nagbarog sa tiilan sa krus, si Maria ang Mahal nga Birhen, Birhen sa rosaryo, very familiar sa style sa iyang anak didto intawn siya nag tan-aw sa kasakit ug unya ang kadaugan sa pagkabanhaw sa iyang anak. From beginning to end si Maria uban kanato sa maong grasya sa atong manunubos. Nindot kaayo ang tradisyon sa simbahan sa Catholic church nindot kaayo kay duna kitay Mahal nga Inahan, ang Birhen Maria giila nato Birhen sa rosaryo nga kanunay mag uban kanto, ubanan kita, ma inspire kita nga makadawat sa maong grasya, nga mao ang atong pagenjoy sa kinabuhing walay katapusan.