Ika-51 nga Kapistahan sa San Miguel GKK sa OLMMP Puno sa Kalihukan

Ang Gagmay’ng Kristohanong Katilingban sa San Miguel, nahimutang sa Purok 8, Indangan, Davao City ug usa sa labing karaan nga GKK ubos sa Parokya sa Our Lady of Miraculous Medal. Kini nga GKK namugna kaniadtong 1970. Ug karong tuiga malampusong gisaulog ang ika-51 ka tuig nga kapistahan niadtong Set. 29, 2022. Gisugdan ang Santos nga Misa sa alas 8 sa buntag nga gipanguluhan Ni. Rev. Fr. Jesus Samaniego, ang kura Paroko sa Our Lady of Miraculous Medal Parish.

Nahimong mabungahon ug mabulukon ang maong selebrasyon tungod sa aktibong partisipasyon sa katilingban nga gipangunahan ni Vilma Albofera, ang Pangulo sa Katilingban (PSK) kauban ang iyang mga GKK Servant leaders (GSL).

Sa maong kapistahan ubay-ubay pud ang mga napahigayong mga kalihukan tungod sa pagsalmot sa mga Sibikong grupo sama sa Bayanihan sa Women’s ug Drivers Association, Night Market, Zumba, Libreng Gupit, Basketball ug Volleyball League.

Ang 51st nga kapistahan sa San Miguel GKK usa ka timaan nga buhi ang maong tema sa Misyon sa GKK sa Archdiocese sa Davao, GKK: Gasa sa Diyos sa Davao, nanag-uban sa panaw sa diwa sa pagkapiniyalan.

Dalaygon ang Dios!

(Marilou A. Luzon & Shing A. Albaran | OLMMP SoCComs)