Photo: Marilou A. Luzon
Pagkapiniyalan Gipangusgan sa OLMMP
Malampusong gipahigayon sa mga Pangulo sa Alagad (PSA) nga sakop sa Our Lady of the Miraculous Medal Parish ang duha ka adlaw nga Pagplano ug Pagpalig-on sa ministriya niadtong Agosto 28-29, 2022 sa usa ka resort nga nahimutang sa Barangay Malabog siyudad sa Davao.
Gihisgutan sa maong kalihukan ang mga aspeto sa usa ka Kristohanong kinabuhi nga nakasentro sa tema nga “Gifted to Give” nga kung diin gipahinumdoman ang matag usa sa pagkapiniyalan o steward. Giusa-usa ug hisgot ang mga kahuyang ug kusog sa mga dimensyong politikal, sosyo-kultural, ekolohiya ug kinaiyahan, pinansiyal ug ekonomikanhon, moral ug spiritwal nga mga kaakuhan, panginahanglan ug hagit sa parokya.
Ang maong panagtapok ug panaghisgot gipanguluhan ni Bro. Charlie Modequillo, ang coordinator sa Parish Social Action Ministry (PSAM) kauban ang mga ginsakupan sa maong ministriya:
- Elizabeth Ronolo – Blood Letting Coordinator
- Antonio Undac – Pangulo sa Alagad
- Elena Duran – Finance Officer
- Ronita Aragon – Scholarsip & housing Assistance coordinator
- Emma Bolongaita – Livelihood Coordinator
- Francia Mendez – Food bank for the poor Coordinator
- Clarine Paraiso – Parish Disaster Action Response Team (PDART)
- Mary Jean Asoy – GERT- Gkk Emergency Response Team
- Alma Monte – Caritas Coordinator
- Analiza Mamalia – Parish Desk for Care of Creation (PDCC)
Mapasalamaton ang maong grupo sa kura paroko nga si Rev. Fr. Jesus Samaniego sa makanunayong suporta ug inspirasyon sa pagpadayon sa paglawig ug pagpatuman sa maong kaakuhan diha sa pagserbisyo sa Simbahan.
Dalaygon ang Diyos!
(Marilou A. Luzon, SocCom – OLMMP)
No Comments