Pag-amuma, Pagpalambo, Pagbantay sa Kinaiyahan

Sa ikaduhang adlaw sa matag tulo ka bulan nga panagtapok sa DADITAMA pastoral agencies gipahitabo ang usa ka symbolic offering alang sa opening sa Season of Creation diin dunay mga seedling o luyong nga gipanghatag ang Diocese of Tagum nga maoy host sa matag 3rd quarter meeting. Kini nga mga seedling ipadala sa mga delegado aron sa pagtanom ug pag-amuma. Una ang symbolic offering duna usay action song nga giperform ang mga delegado nga makapatandog tungod niining mga pulonga “today we journey together, we are called to be kind to each other, for mother earth we now pledge to be kinder and preserve our only home.”

Pinaagi sa mga pulong sa maong kanta, ang mga delegado naghatag dinha sa ilang panaad dili lang sa pagatiman sa kinaiyahan ug tanang kamugnaan karong Season of Creation apan sa tibuok nilang kinabuhi. (DCH)