Giving Brings Joy

Dear Ate Emz,

Senior citizen na ako ug taas na ang edad. Ang akong ipaambit nga kasinatian mao ang kamahinungdanon sa buhat sa paghatag. Sa matag higayon nga ako maka luag-luag sa kinabuhi, kalipay ko nga maka paambit sa mga gasa ngadto sa uban. Pinansiyal man, butang o pagkaon. Usahay ang akong kabanay, badlungon ako ug nganong dili ko na lang daw ireserba alang sa akong kaugalingon kay basin kinahanglanon ko kini sa umaabot. Yes, sakto man sila pero ang kining nia mga sobra man sa akong gasa ug dili ko gikinahanglan ang sobra-sobra. Matud pa, God will provide, ug saksing buhi gayud ako niini.

Kalooy sa Diyos, bisan sa ka simple lang sa akong pagpamuyo makaginhawa man gihapon ug sakto sa kinabuhi. Dunay mga kalisdanan usahay, apan gina take as a challenge ko kining tanan nga sa akong pagsabot mga pagsulay. Hugot ang akong pagtoo nga walay gamay o dakong suliran basta subay lang gayud sa kabubut-on sa Diyos segurado ako mahimong okay ang tanan.

Daghang Salamat,
Chedeng

* * * * * *

Dear Chedeng,

Salamat sa gasa sa kinabuhi,sa BONUS nga mga tuig, hinungdan nga nakaabot ka sa imong pagkasenior citizen og lampas pa niini. Being a senior citizen, matud pa sa uban, we are at the LAST QUARTER OF LIFE. Ug dugang pa niini, sama daw sa rolyo sa usa ka toilet paper…kung hapit na kini mahurot, paspas na kaayo ang pag roll ani. Mao nga kung naa na daw kita sa LAST QUARTER OF OUR LIFE, paspas lang gyud kaayo ang pagdagan sa panahon! And every birth anniversary brings us closer to our final destination, our Eternal Home.

Sa pagsalop sa adlaw sa mga tuig sa atong kinabuhi, tinuod gyud nga ang atong mga mithi (values) nagabag-o sab. Mga essentials na lang gyud ang atong concern. Og usahay dili kaayo masabtan sa mga bata pa ang pang-idaron, mao nga mabalaka sila og magpahimangno kanato nga mogahin o magreserba alang sa kaugalingon. Apan sa imong kabahin, nakasulti ka nga SOBRA ra pud ang imohang mga gasa, og tinuod, dili na sab kinahanglan ang sobra-sobra. Ug hinuon, walay makahatag ug labaw pang kalipay ang masinati kung mapaambit kining mga gasa alang sa uban. Doble ang kalipay nga mobalik sa imoha ilabi na kung makita nimo nga nalipay sab sila ug dili gyud kini makwenta sa kwarta ug mga materyal nga mga bagay.

Hindi natutulog ang Diyos matud pa nila. He will always provide; we just have to trust Him. Dili gyud ka pasagdan sa Ginoo. Kasagaran, mas sobra pa gani ang gasa nga Iyang ihatag kanimo aron naa na sab kay mapaambit sa uban. Usa sa dakong gasa ang maayong panglawas, aron makapadayon ka pa og pagserbisyo ug pagpaambit sa gugma ug generosity sa Ginoo. Sa tinuod lang, ang kamaayo sa Ginoo modagayday dinha kanimo if only you allow His goodness to overflow thru you. Trust God, you will never run out of this goodness, tungod walay katapusan kining Iyahang mga gasa. GOD CAN NEVER BE OUTDONE IN GENEROSITY! And He loves a cheerful giver! In return, His life, His strength, as well as His hope will always dwell in you. Mao kini ang mga makahatag og kusog sa imong pagsagubang sa mga pagsulay sa dalan sa imong kinabuhi. Isn’t this a joy to behold? Kung naa ang Ginoo sa imoha, unsa pa man ang imong panginahanglan? God alone is enough! And as long as you breathe, God’s calling for you to love and serve Him through others never stops. Timan-i, naa pa gyud kay MISYON niining kalibutan, bisan pa taliwala sa imong mahuyang nga mga tuhod apan strong in prayer life and faith in His divine providence, He will be glorified by your life. And never forget to stay close to Mama Mary for she will always lead you to Jesus.

Hinaot pa unta nga gasahan ka pa sa Ginoo og taas ug mahinungdanong kinabuhi, maayong panglawas, kalipay, ug makabaton ka og malinawon nga kasingkasing sa imong pagsubay sa Iyang kabubut-on.

To God be the glory and may He bless us more.

God bless you more.
Ate Emz