Luwas! Ang Adunay Kahibalo!

Agosto 7, 2022, gikan sa alas 9:00 hangtod sa alas 5:00 sa hapon adlawng Dominggo, ang mga personahe sa San Pablo Parish nagpahigayon ug orientation seminar bahin sa Disaster Action Response Orientation Seminar alang sa mga kabatan-onan o PSB nga gikan sa nagkalain-laing GKK sakop sa San Pedro Cathedral Parish. Alang kini sa pag pangandam sa mga posibleng kalamidad sama sa linog, baha’, sunog ug uban pa nga mahitabo sa umaabot dinhi sa atong syudad, ug nga mahatagan ug saktong kahibalo ang kabatan-onan kung unsay angay buhaton sa panahon nga muabot kini.

Dinhi gihisgutan ang mga mosunod: Module 1: • Creation • Stewardship • Ecology • Climate change MODULE 2 DRRM (Disaster Risk Reduction Management) • Davao City Disaster Landscape • Understanding Disaster Risk Reduction Management • Hazard Risk Assessment • GKK Emergency Response Team (GERT) • Damage Assessment and Disaster Reporting • Disaster Action Plan.

Nahuman ang maong seminar sa mga batan-on nga bitbit ang kahibalo ug sukaranan sa pagpangandam. Nanghinaot silang mga batan-on nga madugangan pa ang nakat-onan sa daling panahon alang sa dugang kahibalo sa pagpangandam.

Dako ang pasalamat sa parokya ngadto sa Parish Disaster Action Response Team o mas giilang P.D.A.R.T nga gikan sa San Pablo Parish. (Rosalinda Jabonillo, Troy Rurac | SPC SocCom)