Mobile Blood Donation (Blood Letting) Gipahigayon Sa Parokya

Malampuson nga nagpahigayon ug Mobile Blood Donation (MBD) kon Blood Letting sa St. Mary of the Perpetual Rosary Parish sa Buhangin kauban ang Davao Blood Center sa Department of Health (DOH) niadtong Domingo, Hunyo 26, 2022 diin gipahigayon kini sa St. Mary Parish Gym nga nagsugod sa alas sais sa buntag hangtud alas onse.

Adunay 107 ka mga parokyano nga mitahan sa ilang kaugalingon aron maka donar og dugo apan 97 lamang niini ang nagmalamposon tungod sa nagkalain-laing hinungdan.

Programa kini sa Parish Social Action Ministry (PSAM) nga gipangulohan ni Bro. Joel L. Corage, PSAM Coordinator, giniyahan ni Rev. Fr. Dionisio C. Tabiliran Kura Paruko, inabagan ni Eloisa Doña ang Parish Chairman sa maong programa, ug sa tanang mga GKK Servant Leaders (GSLs) sa maong Parokya.

Nunot sa Tema sa DOH nga “Give blood and make the world beating” ang mga Donors nagmadasigon, uban ang tinguha nga ang dugo nga ilang gidonar makaluwas sa kinabuhi sa uban. (Elizabeth Sabucido, PSA)