Pagpanaw Sa Mga Disipulong Piniyalan

21st Fiesta sa Ascension of the Lord Parish

Kalipay, dakong kamaya, balaanon nga kalipay ang gibati ug gipadayag sa mga parokyano sa Ascension of the Lord sa Matina atol sa kasaulogan sa ika-21 nga kapistahan niadtong Mayo 29, 2022.

Atol sa pontifical mass nga gipanguluhan ni Most Rev. Romulo G. Valles, D.D., Arsobispo sa Dabaw, iyang namatikdan ang maong matang sa kalipay sa mga panagway sa mga nanambong sa misa.

Sa iyang pamalandong gawas sa gipadayag nga kalipay nga nakabisita ug balik sukad sa pandemiya, si Arsobispo Valles nagbutyag sa iyang nasaksihan nga ang kasaulogan sa kapistahan isip nga nagpanaw-duaw nga mga piniyalan, “high-grade, malipayon” base sa ikaduhang pagbasa isip mga lungsoranon sa langit, “dili taga-yuta apan ang atong destinasyon – is heaven. We are a blessing to the journeying disciple.”

Ang maong mga pulong haom sa tema sa kapistahan ning tuiga, “Ascension of the Lord, a blessing to the journeying disciple-steward toward communion and participation in the mission.”

Gipasabot ni Arsobispo Valles nga ang pagkayab sa langit sa Ginoo maoy tinubdan sa dakong kalipay sa mga sumusunod sanglit naghatag kini ug paglaom,” where the head has gone before us in glory, the body is called to follow in hope.”

Siya midugang, “Thanks be to God for the gift of faith, knowing that we are so loved by God, knowing that Jesus is coming back and take us back to heaven.”

Sama sa ubang mga kasaulogan sa kapistahan, gibutyag ni Arsobispo Valles, nga ang mga nanambong, bata man o tigulang, malipayon. Ug importante kini nga timaan, “feature, seal, dating, sa katilingban sa mga matuohon, ang diwa ang spirit, ang disposition of joy. Paglaom, charitable, apan ang marka sa kalipay usa ka importante kaayo nga tatak sa katilingban nga nagatoo kang Hesus.”

Taliwala sa mga suliran sa kinabuhi, siya midugang, daghang mga hinongdan nga magmagul-anon ang tawo, sama sa kasubo sa kamatayon, ang pandemiya ug uban pa.

Apan, sa pagkayab sa Ginoo sa langit, “should be and must be, and that is our task to see with great joy- then kung mangutana ta, ang simbahan namalandong, then we have this old, old prayer sa simbahan, gladden us with holy joy! – lipaya kami pinaagi sa balaan nga kalipay and make us rejoice with the prayer of thanksgiving tungod kay ang Ascension of the Christ is our exultation, our gladness, our rejoicing,” siya nagkanayon.

Gipahinumdoman niya ang mga katawhan nga miingon si Hesus una mikayab ngadto sa langit nga nag-andam siya ug mga lawak “I will go there to prepare a place for you. When I have prepared a place for you, I will come back and take you, bringing with you to be close to me.”

Mao kini ang lig-on nga foundation sa kalipay, siya midugang, “therefore when we deal with sad things, kamatayon, kapobrehon broken relationships, mga kahadlok, like Ukraine war escalate to third world war, pandemic, – bottom line will we be defeated, will we be annihilated? Grabeng kangitngit surrounding us, but we know that the Lord takes care of us!”

Dayon siya nangutana, “Ngano man gyod nga manimba man mo? Ngano man gyod ang mga batan-on, ngano naghasol man? Because, this fiesta would remind us again, tama ang kasingkasing, in Jesus, with Jesus, I know we will survive; we know that the longing of our hearts, that we try to accomplish today, we try to sincerely live a good life here on earth. Whatever we fulfill, sa dihang mobalik siya, kuhaon ta, mao na ang kalipay sa atong fiesta.”

Ikaduhang rason, matud niya, gikan sa unang pagbasa sa Acts of the Apostles, “ingon sila, this Jesus – will return; ang iyang education ato education – He will come back to take us back into heaven.”

Busa iyang giaghat ang mga nanambong nga himoong batasan ang pagbasa sa mga kinabuhi sa mga santos sama sa Italyano nga batan-on nga nahimong santo, si Carlo Acutis.

Si Carlo Acutis, usa ka kinse anyos nga computer whiz kinsa namatay sa leukemia sa tuig dos mil sais, ug maoy labing bata nga kontemporaryo nga tawo nga na-beatify niadtong Oktubre 10, 2020.

Inila siya nga computer programmer, nga nagdokumento sa mga milagro sa Eukaristiya sa tibuok kalibutan ug iyang gi-catalogue sa usa ka website nga iyang gihimo una siya namatay.

Ang iyang kinabuhi usa ka inspirasyon alang sa mga kabatan-onan.

Gikalipay usab ni Arsobispo Valles ang dul-an upat ka gatos ka mga kabataan kinsa iyang gikumpirmahan adlawng Sabado, Mayo 28, 2022, alas-2 sa hapon sa parokya sa Ascension, unang higayon sukad sa pandemiya.