Reopening sa Mergrande Ocean Resort

Puno sa emosyon ang misa pasalamat ug seremonyas nga gipahigayon alang sa pag re-open sa Mergrande Ocean Resort niadtong Abril 30, adlawng Sabado kon diin ang atong halangdong Arsobispo Romulo G. Valles gayod ang nangulo sa misa. Makahuloganon gayod tungod usa kini sa maingon nga mga success story nga bisan paman nagpadayon ang pandemya, nakasugakod ang pagbalik niini sa operasyon.

Mahinumdoman nga usa ang Mergrande sa mga pinaka dugay nang mga resort sa dakbayan ug gani kini nahimo nang kabahin sa mga memorya sa kadaghanang hamtong karon.

Sa kahilakon nga pag mensahe ni Mrs. Mercy Evangelista nga tag-iya sa resort, siya miingon: “nagpapasalamat ako sa lahat ng tumulong sa akin lalo na kay Ava. Kung ako lang mag-isa hindi ko talaga kaya ito. Salamat sa inyong lahat na nandito ngayon.” Ubay-ubay sab ang mga personahe nga iyang gipasalamatan gikan sa pinaka simpleng mga bulohaton hangtod sa mga pinaka kumplekado. Apil na diri ang mga panday ug trabahenta nga nag andam sa tanan una ang maong re-opening.

Kinaugmaan, Mayo 1, atol sa pag selebrar sa Labor Day, opisyal na nga gi-ablihan sa publiko ang Mergrande Ocean Resort ug timing ang pagdagsa sa mga gustong mulaag nga dili kaayo layo sa syudad. (CMAC)